Pensa na kilis ku na sukutau. Pensa na purblemas ke na pasa pa purpara bu korson. Tenta pui bu kabesa na se lugar.

Kuji diritu bu palabras. Buska manera di anima, konsola i fortalisi kilis ku na sukutau. Ivita spresons ku pudi pui elis paña raiba sin nesesidadi, i ka bu papia mal di kilis ki ka ta adora Jeova o di ke ke ta fia nel.

Mostra interesi. Ku un ton di vos suavi i ẑestus apropriadu, mostra kilis ku na sukutau kuma, na bardadi, bu ta preokupa ku elis. Kuida ku manera ku bu na fasi bu rostu; fasi sempri un surizu.