Aprindi oja kilis ku na sukutau di manera pusitivu. Oja bu kumpañeris kriston suma kilis ku misti kontenta Jeova. Nin si bu dibi di da elis konsiju, kumsa ku eloẑia elis ku sinseridadi sempri ki pusivel.

Rapati usu di materia negativu. Nklui aspetus negativu di un diskursu so si i na kontribui pa yangasa objetivu di bu disignason. Di manera geral bu disignason dibi di sedu pusitivu.

Fasi bon usu di Palabra di Deus. Fasi jintis oja ke ku Jeova fasi na pasadu, ke ki sta na fasi gosi, ku ke ki na bin fasi na futuru pa umanidadi. Da speransa ku koraẑen pa kilis ku na sukutau.