Juda kilis ku na sukutau izamina se kabesa. Fasi purgunta ku ta stimula un resposta mental pa juda asistensia izamina se sintimentus.

Juda elis tene bon motivason. Motiva kilis ku na sukutau pa e analiza pabia ke ta fasi bon kusas. Juda elis tene bon motivason ku sedu, amor pa Jeova, pa pekaduris, i pa nsinus bibliku. Rasiosina ku kilis ku na sukutau; ka bu konta elis ke ke dibi di fasi. En ves di disa elis ku borgoña, nkoraẑa elis na fin di bu disignason i motiva elis pa e fasi se minjor.

Fasi pa e oja Jeova. Distaka kuma ku nsinus, prinsipius ku mandamentus di Biblia ta mostra kualidadis di Deus ku si amor pa nos. Fasi pa kilis ku na sukutau tene diseẑu di analiza sintimentus di Jeova i kontental.