Pensa na ke ku na lebau lei un testu. Introduzi kada testu di un manera ku na leba kil ku na sukutau presta atenson na pontu ŝavi ku bu misti distaka na ki versikulu.

Sita Biblia suma otridadi. Ora ku bu na papia ku jintis ku fia na Deus, fasi elis oja Biblia suma Palabra di Deus, asin bu na mostra kuma Biblia i minjor fonti di jiresa.

Fasi pa jintis tene interesi na testu. Fasi un purgunta ku testu na bin ruspundi, papia di un purblema ku testu na bin juda rosolvi, o di un relatu bibliku ku na juda elis ntindi un prinsipiu.