Konsulta fonti di materia di konfiansa. Basia bu komentarius na Palabra di Deus atraves di leil diretamenti sempri ki pusivel. Si bu na papia di un asuntu sientifiku, di un notisia, di un spiriensia o di un utru prova, verifika antis si ki fonti di materia i di konfiansa i atualizadu.

Usa di manera apropriadu fontis di materia. Aplika testus di akordu ku kontestu, tema geral di Biblia, ku di publikasons di “servu jiru, di fiansa”. (Mat 24:45) Ora ku bu na usa un fonti di materia ki ka di Biblia, fasil di akordu ku kontestu oriẑinal, ku ke propi ku otor misti fala.

Rasiosina ku basi na prova. Ora ku bu lei un testu o sita un fonti di materia, fasi purgunta ku rispitu o ilustra pontu pa juda kilis ku na sukutau ciga se propi konkluson.