Kuji komparasons simplis. Suma Jesus, usa kusasiñus pa splika kusas garandi, i usa kusas fasil pa splika kusas komplikadu. Ka bu buri ditalis ki ka pirsis ku na komplika komparason ku bu na usa. Sertifika di kuma kusas ku bu na usa na bu komparason ta aplika ben ku lison ku bu sta na nsina, pa ka kilis ku na sukutau distrai ku ki ditalis ki ka pirsis.

Pensa na kilis ku na sukutau. Kuji komparasons ku sta ligadu ku atividadi ku interesi di kilis ku na sukutau. Toma kuidadu pa ka bu komparasons fasi pa kilis ku na sukutau fika mal o paña raiba.

Nsina pontu prinsipal. Konsentra na ilustra pontus prinsipal, i ka na ditalis pikininu. Sertifika di kuma kilis ku na sukutau ka na lembra so di komparason ma tambi di pontu ku bu nsina.