INDIKADURIS Indikaduris sta la pa judau. Di fabur, kopera kelis, sigi orientasons ke na da aserka di kau ku bu dibi di para karu, entrada ku saida di jintis na kau di kongresu, aserka di paña lugar o utrus asuntus.

BATISMU Kau di sinta pa kandidatus pa batismu na reservadu na purmeru fila di dianti pertu di palku, so si i ten utru informason kontrariu ku es pudi mudadu. Sabadu parmaña kandidatus pa batismu dibi di sinta na kau reservadu pa relis, antis di diskursu di batismu kumsa. Kada kin dibi di tisi si tuaja ku un ropa simplis.

OFERTAS I fasidu manga di dispezas pa i ten un bon kau di sinta, sistema di son, ekipamentus di video, ku manga di utrus tarbajus ku torna pusivel asisti kongresu diritu, i judanu pertusi mas di Jeova. Bo kontribuisons di livri vontadi na juda pa kubri es dispezas i tambi apoia obra mundial. Pa judau, kaŝas di kontribuisons markadu i e pudu na diferentis lugaris di kongresu. Si pusivel, di fabur bu pudi da ofertas atraves di internet na donate.pr418.com. Tudu ofertas na apresiadu ciu. Korpu Guvernanti na gardisiu pa apoiu ku bu da pa interesi di Renu.

PURMERU SOKORU Di fabur, lembra di kuma es i so pa emerẑensia.

KUSAS KU PIRDI KU OJADU Tudu kusa ku ka sibidu i di kin, dibi di lebadu pa Dipartamentu di Kusas ku Pirdi ku Ojadu. Si bu pirdi algun kusa, bai pa es dipartamentu pa jubil. Mininus ku pirdi dibi di lebadu pa es dipartamentu. Ma, pa ivita stres di tudu kilis ku sta nvolvidu, di fabur, kuida di bu fijus i tene elis pertu di bo.

KAU DI SINTA I bon pensa na utrus. Lembra di kuma, kaus di sinta pudi guardadu so pa bu familia diretu, kilis ku bin ku bo na mesmu karu, ku mora ku bo na mesmu kasa, o ku sta na studa Biblia ku bo. Di fabur, ka bu finka kusas na kau di sinta ku bu ka paña pa utru.

TARBAJU VULUNTARIU Si bu misti juda na un tarbaju di kongresu, di fabur, konta jintis ku sta nes dipartamentu di kuma bu sta dispunivel.