PARTI 3
Kuma ki vida seduba na paraisu?
Jeova daba Adon ku Eva manga di kusas bon. Kumsada 1:28
Jeova kumpuba purmeru minjer, Eva, dipus i da Adon el pa i sedu si minjer. — Kumsada 2:21, 22.
Jeova kumpuba elis ku pensamentus i ku kurpu perfeitu, sin difeitu.
Jardin di Eden, kau ke moraba nel seduba se paraisu — un lugar bonitu dimas, ku rius, arvuris ku ta da fruta i ku limarias.
Jeova ta papiaba ku elis; i ta sinaba elis. Si e sukutalba e na viviba pa sempri na paraisu na tera.
Deus falaba pa ka kume fruta di un arvuri. Kumsada 2:16, 17
Un di anjus rebela kontra Deus. Es anju mau i Satanas Diabu.
Jeova mostraba Adon ku Eva fruta di un arvuri na jardin, dipus i fala elis si e kumel e na muri.
Satanas ka mistiba pa Adon ku Eva obdisi Jeova. Asin i usa un kobra pa fala Eva ki, si i kume kil fruta i ka na muri, ma i na sedu suma Deus. Kila seduba mintida. — Kumsada 3:1-5.
No pensa kuma bu na gosta des tambi
ESSENTIAL BIBLE TEACHINGS
Ke ku manda Deus kumpu Tera?
No mundu inci di kusas bonitu. I pudu na distansia izatu di sol, i sta na angulu sertu, i ta muvimenta ku vulusidadi sertu. Pabia ku Deus fasi tudu es sforsu pa kumpu Tera?
