Kuma ku bu pudi benefisia mas des studu di Biblia?
Purmeru jubi kuma ku es studu na sedu, i dipus mostra VIDEO.
PURMERU PARTI
Pa purpara pa kada lison, lei purmeru parti: Purguntas ku sta na letras karegadu (A) ku testus (B) ku na mostra pontus prinsipal. Nota kuma, alguns testus di Biblia markadu pa “lei.”
PARTI KU STA NA METADI
Purmeru frasi (C) ku sta dipus di Aprindi Mas na splika ke ku bo na bin fala del. Subtitulus (D) na mostra kal ki pontu prinsipal. Lei testus di Biblia juntu ku kin ku na studa Biblia ku bo, ruspundi purguntas i jubi videos.
VIDEO ku sta na kuadrus na lebau pa nunde ku bu pudi oja audios ku videos pa tene mas splikason di testu. Alguns videos ta fala di vida real. Utrus ka ta fala di vida real, ma e ta mostra situasons ku ta akontisi.
Jubi fotos diritu, ku ke ku skirbidu bas di fotos (E), pensa na kuma ku bu na ruspundi na parti Alguns Jintis ta Fala (F).
ULTIMU PARTI
Rusumu ku Rekapitulason (G) sta na fin di lison. Skirbi data ku bo kaba lison. Tenta fasi es (H) na mostra ke ku bu pudi fasi pa kontinua aprindi o aplika ke ku bu aprindi. Tene Mas Informason (I) na dau utrus informason ku bu misti lei o jubi.
Kuma ku bu pudi oja versikulus di Biblia
Biblia i konjuntu di 66 livrusiñus. I sta divididu na dus partis: Skrituras Ebraiku-Aramaiku (“Antigu Testamentu”) ku Skrituras Gregu Kriston (“Nobu Testamentu”).
Nes livru, ora ku un testu sitadu i ta mostradu nomi di livru di Biblia (A), dipus kapitulu (B), i dipus versikulu o versikulus (C).
Pur izemplu, Jon 17:3 na rifiri livru di Jon kapitulu 17, versikulu 3.
