Ora ku no sta juntu ku no ermons na fe no ta sinti suma rei Davi ku fala: “Un kusa bon i sabi dimas i pa ermons vivi juntu na unidadi!” (Salmu 133:1) No union ka dati so i ten sin. Kada un di nos dibi di fasi si parti pa manti es union.

1. Ke ku ta notadu na metadi di povu di Deus?

Si bu mati runion di kongregason na un utru tera, bu pudi ka obi ki lingua, ma di manga di manera bu na sinti avontadi. Pabia? Pabia no ta usa mesmu publikasons pa studa Biblia na tudu ladu. No ta sforsa pa mostra amor pa n̈utru. I ka mporta nunde ku no sta vivi, anos tudu no ta ‘coma nomi di SIÑOR, i sirbil ku un mesmu sintidu.’ — Sofonias 3:9.

2. Ke ku bu pudi fasi pa juda pa i ten union?

“Bo ten ku ama n̈utru ku tudu bo korson.” (1 Pedru 1:22) Kuma ku bu pudi aplika es konsiju? En ves di konsentra na falias di utrus, jubi se bon maneras di sedu ke tene. Ka bu pasa tempu so ku kilis ku sedu suma bo o ku gosta di kusas suma bo, ma sforsa pa kunsi ermons ku irmas ku sedu diferenti di bo. Tambi no dibi di sforsa ciu pa kaba ku tudu sintimentus ku no tene di julga utrus. — Lei 1 Pedru 2:17. a

3. Ke ku bu na fasi ora ku bu tene un purblema ku un ermon na fe?

Anos i un povu unidu, ma tambi no sedu imperfeitu. Utrora no ta fasi un kusa ku na pui utrus sinti mal o te mesmu firi n̈utru. Pa kila, Palabra di Deus falanu pa no kontinua “purda n̈utru”, i fala mas: “Suma ku Siñor purda bos, bo fasi asin tambi.” (Lei Kolosensis 3:13.) No ta fasi Jeova sinti mal manga di bias, ma mesmu asin i ta purdanu. Pa kila, i misti pa no purda no ermons. Si bu nota kuma bu yara un algin toma diantera na bai rosolvi purblema. — Lei Mateus 5:23, 24. b

 APRINDI MAS

4. Para julga utrus

No misti ama tudu no ermons. Ma i pudi sedu difisil seta algin ku parsi sedu diferenti di nos. Ke ku pudi judanu? Lei Atus 10:34, 35, dipus bo kombersa aserka des purguntas:

• Jeova ta seta tudu tipu di jinti suma si Tustumuñas. Kuma ku bu pudi kopial na manera di oja kilis ku sedu diferenti di bo?

• Na zona ku bu mora, di kal manera ku jintis ta julga utrus ku sedu diferenti delis i kal un des kusas ke ta fala ku bu misti ivita?

Lei 2 Koríntius 6:11-13, dipus bo kombersa aserka des purgunta:

• Ke ku bu pensa, kuma ku bu pudi pertusi mas di ermons ku irmas ku sedu diferenti di bo?

5. Purda di tudu bu korson i fasi pas

Jeova ta purdanu di tudu korson mesmu pa manera ki nunka i ka na ciga di pirsisa di no purdon. Lei Salmu 86:5, dipus bo kombersa aserka des purguntas:

• Kal ki garandesa di purdon di Jeova?

• Pabia ku bu misti gardisil pa si purdon?

• Kal situasons ku ta pui pa i sedu difisil da ben ku utrus?

Kuma ku no pudi kopia Jeova i kontinua sedu unidu ku no ermons ku irmas? Lei Ditus 19:11, dipus bo kombersa aserka des purgunta:

• Si un algin yarau o fasiu sinti mal, ke ku bu pudi fasi pa minjoria situason?

 Utrora no ta yara utrus. Ora ku kila akontisi, ke ku no dibi di fasi? Mostra VIDEO, dipus bo kombersa aserka des purgunta:

• Na video, ke ku irma fasi pa pudi tene pas ku utrus?

 RUSUMU

Bu pudi juda na manti union na kongregason ora ku bu purda i mostra amor pa tudu bu ermons ku irmas.

Rekapitulason

• Kuma ku bu pudi para julga utrus?

• Ke ku bu na fasi si kontra bu tene un purblema ku bu ermon na fe?

• Ke ku manda bu misti kopia izemplu di Jeova na purda utrus?