Na bardadi mundu sta bas di puder di kin?
Bu pensa kuma i . . .
-
Deus?
-
pekaduris?
-
utru algin?
KE KI BIBLIA FALA
“Tudu mundu sta bas di puder di ki malvadu.” — 1 Jon 5:19.
“Fiju di Deus bin, pa kaba ku kusas ku diabu fasi.” — 1 Jon 3:8, Bíblia no Crioulo da Guiné-Bissau.
KUMA KES PUDI BENEFISIAU
Ntindimentu klaru di purblemas di mundu. — Apokalipsi 12:12.
Motivu di fia kuma no mundu na muda pa minjor. — 1 Jon 2:17.
NO PUDI NA BARDADI FIA NA KE KI BIBLIA FALA?
Sin, pelu menus pa tris rason:
-
Guvernu di Satanas kondenadu. Jeova sta disididu pa kaba ku puder di Satanas riba di mundu. I prumiti “vensi . . . diabu,” i kaba ku tudu mal ki Satanas kausa. — Ebreus 2:14.
-
Deus kuji Jesus Kristu pa i guverna mundu. Jesus diferenti ciu ku guvernanti des mundu ku sedu mau i iguista. Aserka di guvernu di Jesus, Deus prumiti: “I na sinti pena di koitadi ku fraku . . . I na kaplinti elis di kilis ku na kalka elis ku violensia.” — Salmu 72:13, 14.
-
Deus ka pudi konta mintida. Biblia fala di un manera klaru: “Deus ka pudi konta mintida.” (Ebreus 6:18) Ora ku Jeova prumiti fasi un kusa, i ta sta suma i fasidu ja! (Isaias 55:10, 11) “Ŝef de mundu na serkadu fora.” — Jon 12:31.
PENSA NES
Kuma ku mundu na sta ora ku si guvernanti tiradu?
Biblia ruspundi es purgunta na SALMU 37:10, 11 ku APOKALIPSI 21:3, 4.