PA JOVENS
9: Identidadi
KE KI SIGNIFIKA
Bu identidadi i mas di ki so bu nomi ku bu aparensia. I nklui bu normas, ke ku bu ta fia nel, i kin ku bu sedu. Na bardadi, bu identidadi i tudu ke ku bu sedu, tantu pa dentru suma pa fora.
PABIA KI IMPORTANTI
Ora ku bu kunsi diritu bu identidadi, bu na difindi diritu ke ku bu fia nel, en ves di disa bu kolegas kontrolau.
“Manga di jintis i suma bonekas manekins, ku ta pudi na lojas. E ka ta kuji ropa ke na bisti, e ta bistidu nan.” — Adrian.
“N aprindi kuma di difindi ke ki sertu, mesmu ora ki difisil. N pudi konta kin ku ña amigus na bardadi sedu, atraves di se komportamentu, i kuma ku N ta komporta ora ku N sta ku elis.” — Courtney.
PRINSIPIU DI BIBLIA: “Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda.” — Romanus 12:2.
KE KU BU PUDI FASI
Pensa na kal tipu di algin ku bu sedu gosi, i kal tipu di algin ku misti bin sedu, atraves di analiza bu pontus forti, bu pontus fraku, i ke ku bu ta fia nel. Minjor manera di kumsa i ruspundi es purguntas.
Pontus forti: Kal talentus o abilidadis ku N tene? Kal ki ña pontus forti? (Pur izemplu, ami i pontual? N sibi kontrola ña kabesa? N osa tarbaju? sera ki N gosta di pati?) Kal kusas pusitivu ku N ta fasi?
SUẐESTON: Sera ku bu tene difikuldadi na identifika bon kusas ku bu ta fasi? Punta bu pape o bu mame, o un amigu di konfiansa, kal pontus forti ki oja na bo, i pabia di ke.
PRINSIPIU DI BIBLIA: “Kada kin dibi di jubi pa kil ki fasi; si i bon, i pudi kontenti ku si kabesa, sin i jubi pa kusa ku utru fasi”. — Gálatas 6:4.
Pontus fraku: Kal kusas na ña personalidadi ku N pirsisa di minjoria? Na kal mumentus ku N mas ta sinti tentadu pa fasi mal? Na kal arias ku N pirsisa di fasi sforsu garandi pa kontrola ña kabesa?
PRINSIPIU DI BIBLIA: “Si no fala kuma no ka tene pekadu, no na ngana no kabesa”. — 1 Jon 1:8.
Ke ku bu ta fia nel: Kal normas di moral ku N ta sigi, i pabia di ke? Sera ki N fia na Deus? Ke ku ta konvensin di kuma Deus ten? Kal komportamentu ku N oja di kuma i ka bon, i pabia di ke? Ke ku N ta fia nel aserka di futuru?
PRINSIPIU DI BIBLIA: “Bon juisu ku jiresa na guardau”. — Ditus 2:11.
No pensa kuma bu na gosta des tambi
RESPOSTAS PA 10 PURGUNTAS KU JOVENS TA FASI
Kin ku N sedu?
Si bu kunsi ke ki di valor pa bo, bu kunsi bu pontus fortis, bu limitasons, ku bu objetivus kila na judau toma bon disisons ora ku bu sta bas di preson.
JOVENS TA PUNTA
Sera ki ami, i un algin responsavel?
Alguns jovens ta dadu mas liberdadi di ki utrus. Pabia ki sedu asin?
