PA KASADUS
4: Purdon
KE KI SIGNIFIKA
Purda signifika disa pa tras un eru, o kualker sintimentu di raiba ki kausa na bo. Purda ka signifika njuti un eru, o finji di kuma i ka akontisi.
PRINSIPIU DI BIBLIA: “Bo nguenta n̈utru, bo purda n̈utru si algin ten keŝa kontra utru”. — Kolosensis 3:13.
“Ora ku bu ama un algin, bu ka ta konsentra na si mperfeison, en ves di kila bu ta konsentra na ke ki sedu, i ke ki sta na sforsa pa sedu.” — Aaron.
PABIA KI IMPORTANTI
Si bu ta guarda rankor, bu pudi prejudika bu kabesa fisikamenti, tambi emosionalmenti, te mesmu bu pudi dana bu kasamenti.
“Un bias ña omi pidin diskulpa pa un kusa ku fasinba sinti mal. I seduba difisil pa N purdal. N bin kaba di purdal ma N ripindi ke ku manda N ka fasilba mas sedu. I kausa un purblema ki ka pirsisba na no relason.” — Julia.
KE KU BU PUDI FASI
FASI ES TESTI
Prosimu bias ku bu sinti mal pa ke ku bu parseru fala o fasi, punta bu kabesa:
-
‘Sera ki N sedu sensivel dimas?’
-
‘Sera ki eru i gravi dimas ki pirsis pa i pidin diskulpa, o N pudi so diskisil?’
KOMBERSA KU BU PARSERU
-
Kantu tempu ki ta leba pa no purda n̈utru?
-
Ke ku no pudi fasi pa ba ta purda n̈utru rapidu?
SUẐESTONS
-
Ora ku bu parseru yarau, ka bu pensa kuma i fasil nan ku diskarna.
-
Sforsa pa purda eru di bu parseru i lembra di kuma “anos tudu no ta yara ciu”. — Tiagu 3:2.
“I fasil purda ora ku abos tudu dus bo yara, ma i mas difisil ora ki parsi kuma i un son ku tene kulpa. I pirsis umildadi di bardadi pa seta pididu di diskulpa i pa purda.” — Kimberly.
PRINSIPIU DI BIBLIA: “Fasi pas kinti-kinti”. — Mateus 5:25.
Si bu ta guarda rankor, bu pudi prejudika bu kabesa fisikamenti, tambi emosionalmenti, te mesmu bu pudi dana bu kasamenti
