Sera ki bu ta trata minjeris suma ku Jeova ta trata elis?
NO TENE privileẑiu di sirbi Jeova ku manga di minjeris fiel. Tambi no ama i no da balur pa es irmas fiel ku ta tarbaja risu! a Pa kila, ermons bo trata elis ku bondadi, ku rispitu, sin fasi skuju. Ma suma no sedu imperfeitu, utrora i pudi sedu difisil fasil. Ma utrus ermons tene utru kusa ku pudi pui pa i difisil fasil.
Alguns kirsi na un kultura nunde ke ta trata minjeris suma kilis ku ka ta tene importansia. Pur isemplu, Hans, un superintendenti di sirkuitu na Bolivia, fala sin: “I ten omis ku kirsi na kultura, nunde ku jintis ta mostra di kuma e sedu macu. Kila ta leba elis pensa di kuma omis mas minjeris.” b Shengxian, un ansion na Taiwan, fala sin: “Nunde ku N mora, manga di omis ta pensa di kuma minjeris ka dibi di da omis se opinion. Si un omi fala di opinion di un minjer aserka di un asuntu, si kolegas pudi dispresal.” Utrus omis ta mostra di utru manera di kuma e tene ideias eradu kontra minjeris. Pur isemplu, e pudi konta pasadas ku ta mostra falta di rispitu pa minjeris.
Filismenti, un omi pudi muda, i ka mporta na kal kultura ki kirsi nel. I pudi aprindi para pensa di kuma omis mas minjeris. (Ef 4:22-24) I pudi fasi es ora ki kopia isemplu di Jeova. Nes artigu, no na bin fala di kuma ku Jeova ta trata minjeris, kuma ku ermons pudi aprindi trata minjeris suma ku Jeova ta trata elis i kuma ku ansions pudi da isemplu na mostra rispitu pa minjeris.
KUMA KU JEOVA TA TRATA MINJERIS?
Jeova da isemplu perfeitu di kuma ku minjeris dibi di tratadu. I un Pape ku ta sinti pena i ku ama tudu si fijus ku sta na Tera. (Jon 3:16) Irmas fiel sedu suma fijus femia ku tene balur pa rel. No jubi alguns maneras ku Jeova mostra di kuma i ama i rispita minjeris.
Kum 1:27) I ka kumpu omis pa e tene jiresa o kapasidadi mas di ki minjeris; nin i ka mas gosta di omis di ki minjeris. (2 Kron 19:7) I kumpu omis ku minjeris ku mesmu kapasidadi di ntindi bardadis di Biblia i kopia si maneras di sedu bonitu. Jeova da balur tantu pa omis suma pa minjeris ku tene fe nel. I da tantu omis suma minjeris speransa di vivi pa sempri na paraísu li na Tera, o speransa di sedu reis ku saserdotis na seu. (2 Ped 1:1) Na bardadi, Jeova ka tene ideias eradu kontra minjeris.
I ta trata elis sin fasi skuju. Jeova kumpu omis ku minjeris pa e parsi ku el. (I ta sukuta elis. Jeova sta interesadu na sentimentu ku preokupason ku minjeris ta tene. Pur isemplu, i sukuta, tambi i ruspundi orasons di Rakel ku Ana. (Kum 30:22; 1 Sam 1:10, 11, 19, 20) Tambi Jeova orienta skirbiduris di Biblia ku si spiritu pa e skirbi storias di omis ku sukuta minjeris. Pur isemplu, Abraon sigi orientason ku Jeova dal di sukuta si minjer Sara. (Kum 21:12-14) Rei Davi sukuta Abigail. Na bardadi, i ntindi di kuma Jeova ku mandal pa i papia ku el. (1 Sam 25:32-35) Jesus ku kopia di manera perfeitu maneras di sedu di si Pape, sukuta si mame Maria. (Jon 2:3-10) Es isemplus ta mostra di kuma un manera di Jeova mostra rispitu pa minjeris, i sukuta elis.
I konfia nelis. Pur isemplu, Jeova da Eva responsabilidadi di juda Adon kuida di tudu Tera. (Kum 1:28) Oca i fasi es, i mostra di kuma i ka oja Eva suma un algin ku tene puku balur di ki si omi Adon, ma suma un judadur. Tambi Jeova da responsabilidadis pa Debora ku Ulda pa e avisa si povu, nkluindu un ŝef ku un rei. (Ŝef 4:4-9; 2 Re 22:14-20) Aos tambi, Jeova da minjeris kriston responsabilidadis di kuida di si tarbaju. Es irmas fiel ta sirbi suma publikaduris, pionerus i misionarius. E ta juda na fasi diseñus di plantas di Salons di Renu ku filialis, na kumpu elis i fasi se manutenson. Alguns delis ta sirbi na Betel; utrus ta sirbi na skritorius di traduson. Es irmas i suma un izersitu garandi ku Jeova ta usa pa fasi si vontadi. (Sal 68:11) Na bardadi, Jeova ka ta oja minjeris suma jintis fraku o ku ka tene kapasidadi.
KUMA KU ERMONS PUDI APRINDI TRATA MINJERIS SUMA KU JEOVA TA TRATA ELIS?
Ermons, si no misti sibi si kontra no ta trata irmas suma ku Jeova ta trata elis, no pirsisa di jubi diritu kuma ku no ta pensa i aẑi. No pirsisa di ajuda pa fasi es. Makina di raiu-X pudi mostra purblema ku un algin pudi tene na si korson. Di mesmu manera, un bon amigu ku Palabra di Deus pudi judanu sibi si no tene kualker sentimentus negativu dentru di nos kontra minjeris. Ke ku no pudi fasi pa risibi es ajuda?
Pidi ajuda di un bon amigu. (Dit 18:17) No pudi kombersa ku un amigu ku no konfia nel, i ku kunsidu suma un algin bon i ekilibradu i fasil es purguntas: “Ke ku bu pensa, kuma ku N ta trata irmas? Sera ki minjeris pudi fala kuma N rispita elis? Sera ki N pudi minjoria algun kusa na manera ku N ta trata elis?” Si bu amigu fala di algun kusa ku bu pudi minjoria, ka bu paña raiba. En ves di kila, sta dispostu pa fasi mudansas ki pirsis.
Studa Palabra di Deus. Minjor manera di sibi si kontra no ta trata irmas diritu, i usa Palabra di Deus pa judanu sibi kal ki no pensamentus ku asons. (Eb 4:12) Ora ku no na studa Biblia, no ta aprindi aserka di omis ku trata minjeris diritu i di kilis ku ka trata elis diritu. No pudi kompara se asons ku di nos. Tambi kompara versikulus di Biblia pudi ivitanu usa versikulus fora di kontestu pa pudi apoia ideias eradu ku no tene aserka di minjeris. Pur isemplu, di akordu ku 1 Pedru 3:7, minjeris dibi di ‘rispitadu pabia se kurpu i mas fraku.’ c Sera ki es signifika di kuma minjer tene puku balur, ku sedu omi mas el tene jiresa o kapasidadi? Nau, i ka kila! Kompara palabras di Pedru ku Gálatas 3:26-29, ku mostra di kuma minjeris ku omis kujidu pa rena ku Jesus na seu. Ora ku no studa Palabra di Deus i pidi ajuda di un bon amigu pa i kontanu kuma ku no ta trata minjeris, no pudi aprindi mostra rispitu pa minjeris.
KUMA KU ANSIONS TA MOSTRA RISPITU PA MINJERIS?
Ermons na kongregason pudi tambi aprindi trata irmas ku rispitu, ora ke sigi isemplu di ansions ku ta mostra amor. Kuma ku ansions ta da isemplu na mostra rispitu pa irmas? No jubi maneras ke ta fasi kila.
E ta ngaba irmas. Apostolu Paulu da bon isemplu pa ansions kopia. Na karta ki skirbi pa kongregason di Roma, i ngaba manga di irmas. (Rom 16:12) Bu pudi imaẑina kontentamentu ku ki irmas tene kontra karta di Paulu leidu pa kongregason? Di mesmu manera, ansions ta ngaba irmas di tudu korson pa se bon maneras di sedu i pa tarbaju ke ta fasi pa Jeova. Es ta pui pa irmas nota di kuma e rispitadu ciu, tambi e dadu balur. Nkuantu e kontinua sirbi Jeova ku fidelidadi, palabras nkoraẑanti di un ansion pudi sedu ke propi ku es irmas pirsisa del. — Dit 15:23.
Ngaba
Ora ku ansions na ngaba irmas, e ta fasil di manera franku i konta elis na kal aria ke fasi ben. Pabia? Un irma di nomi Jessica fala sin: “I bon ora ku ermons fala un irma ‘bu fasi bon tarbaju.’ Ma no mas ta sinti nkoraẑadu ora ku ermons ngabanu na un aria ku no fasi ben, suma nsina no fijus pa ka fasi baruju na ora di runions o bai buska un studanti di Biblia i tisil pa runion.” Ora ku
ansions ngaba irmas na un aria ke fasi ben, e ta sinti di kuma e pirsisadu del i di kuma e tene balur.E ta sukuta irmas. Ansions umildi ta rikuñisi di kuma i ka elis son ku tene bon ideias. Es ansions ta pidi irmas pa e da se opinion, i e ta sukuta diritu ora ke na papia. Ora ke fasi kila, ansions ta nkoraẑa irmas i e ta apruveita di se ideias. Di kal manera? Un ansion comadu Gerardo, ku na sirbi na Betel, fala sin: “N nota di kuma pidi opinions di irmas judan minjoria ña tarbaju. Manga di bias, e mas tarda na fasi tarbaju di ki maioria di ermons.” Na kongregason, manga di irmas ta sirbi suma pionerus, pa kila e kunsi manga di kusas aserka di jintis ku mora na se tiritoriu. Un ansion comadu Bryan fala sin: “No irmas tene manga di bon kusas pa da pa organizason. Pa kila, apruveita di se spriensia!”
Sukuta
Ansions ku tene jiresa ka dibi di njuti opinions ku irmas tene. Pabia? Un ansion di nomi Edward fala sin: “Opinion di un irma ku si spiriensia pudi juda un ermon ntindi un asuntu mas minjor, tambi i pudi judal ntindi sentimentus di utrus.” (Dit 1:5) Mesmu si un ansion ka pudi fasi ke ku un irma falal, i pudi gardisil pa si ideias i da balur pa si jiresa.
E ta trena irmas. Ansions ku tene jiresa ta buska oportunidadis di trena irmas. Pur isemplu, e pudi nsina irmas kuma ke pudi diriẑi runions di saida di pregason, asin pa e sta purparadu ora ki ka ten un ermon batisadu. E pudi trena elis na manera di usa materialis o makinas, pa e pudi juda na projetus di manutenson ku konstruson. Na Betel, ermons responsavel ta trena irmas pa kuida di diferentis tarbaju, suma manutenson, kompras, kontabilidadi, programason di komputador i asin pa dianti. Ora ku ansions trena irmas, e ta mostra di kuma e oja elis suma jintis ku tene kapasidadi i ku sedu di konfiansa.
Trena
Manga di irmas ta usa trenamentu ke risibi di ansions pa juda utrus. Pur isemplu, alguns irmas usa trenamentu ke risibi na konstruson pa juda utrus kumpu se kasa dipus di un disastri natural. Utrus irmas usa ke ke aprindi na tustumuñu publiku pa trena manga di irmas tambi. Ke ku irmas pensa di ansions ku trena elis? Un irma di nomi Jennifer fala sin: “Oca N staba na tarbaja na un projetu di konstruson di Salon di Renu, un ermon responsavel toma tempu pa trenan. I nota di tarbaju ku N fasi, i ngaban. N gosta di tarbaja ku el, pabia N ta sintiba di kuma N tene balur i N sedu algin ku utrus pudi konfia nel.”
BENEFISIU DI TRATA IRMAS SUMA NO FAMILIA
No ama no irmas fiel suma ku Jeova ama elis! Pa kila, no ta trata elis suma familia. (1 Tim 5:1, 2) No da elis balur i no gosta di tarbaja ku elis. Tambi no ta kontenti dimas ora ke sinti di kuma no ama elis i no ta juda elis. Un irma di nomi Vanessa fala sin: “N na gardisi Jeova ciu pa manera ku N fasi parti di si organizason, ku tene manga di ermons ku N nkoraẑan ciu.” Un irma na Taiwan fala sin: “N na gardisi ciu Jeova ku si organizason, pa manera ke da minjeris balur i e rispita se sentimentus. Es torna ña fe mas forti, i pun pa N da mas balur pa privileẑiu ku N tene di fasi parti di organizason di Jeova.”
Jeova dibi di sta kontenti di oja omis fiel ku ta da balur i rispita minjeris suma ki ta fasi! (Dit 27:11) Un ansion na Skosia comadu Benjamin fala sin: “Aos, manga di omis na mundu ka ta rispita minjeris nin un bokadu. Pa kila, ora ku no irmas sta na Salon di Renu, no ta misti pa e sinti di kuma no rispita elis i no ama elis.” Pa anos tudu no fasi no minjor pa kopia Jeova na trata no kiridas irmas ku amor i ku rispitu ke mersi. — Rom 12:10.
a Nes artigu, palabra “irmas” na rifiri irmas kristons, i ka jintis na familia di un algin.
b Palabra “macu,” na trata di omis ku ta pasanta na mostra sentimentu di orgulyu o puder. Manga di bias es omis ta ngaba pensamentus ku komportamentu di un omi, i e ta rebaŝa minjeris.
c Pa tene mas informason aserka di palabras “kurpu mas fraku”, bu pudi jubi artigus: “O valor de ‘um vaso mais fraco’” na Sintinela di 15 di Maiu di 2006 ku “Orientações sábias para o casamento” na Sintinela di 1 di Marsu di 2005.