Ocalba na tera, Jesus mostra amor garandi pa jintis, te na puntu di sakrifika si vida pa relis. (Mateus 20:28; Jon 15:13) Nin i ka na tarda, i na mostra mas si amor ki tene pa jintis, i na usa si autoridadi suma Rei di Renu di Deus pa kaba ku “gera na tudu ladu di mundu.” — Salmu 46:9.

 Jubi so ke ku Biblia fala di ke ku Jesus na bin fasi:

•   “I na juda kilis ku comal pabia e ten falta, ku algin forontadu ku ka tene kin ku na judal. I na sinti pena di koitadi ku fraku; i na salba vida di kil ku ten falta. I na kaplinti elis di kilis ku na kalka elis ku violensia”. — Salmu 72:12-14.

 Kuma ku no pudi mostra no gardisimentu pa tudu ke ku Jesus fasi ja, i ki na bin fasi pa nos? Na Lukas 22:19, Jesus fala si sigiduris pa e lembra di si mortu, pabia di kila ku manda kada anu, Tustumuñas di Jeova ta junta pa fasil. No na kumbidau pa bu junta ku nos pa Komerason di Mortu di Jesus ku na fasidu dia dumingu, 24 di Marsu di 2024.

Jubi nunde ku Memorial na fasidu