Jesus sibi ke ku signifika sufri pabia di krimi ku injustisa. E konta mintida pa akusal, i sutadu kontra lei, i julgadu di manera injustu, i ficadu sin roson, tambi i sufri oca ki na matadu. Apesar di kuma i sedu inosenti, i seta di livri vontadi sakrifika “si vida pa libra manga di jinti.” (Mateus 20:28; Jon 15:13) Gosi suma Rei di Renu di Deus, i ka na tarda i na tisi justisa na tudu parti di mundu i na kaba ku krimi di un bias pa sempri. — Isaias 42:3.

 Biblia konta kuma ku mundu na sta ora ku Jesus aẑi:

•   “Jintis mau na disparsi; si bu buska elis, bu na oja se kau sin ningin. Ma jintis mansu na yarda tera, e na kontenti ku garandi pas.” — Salmu 37:10, 11.

 Kuma ku no pudi mostra no gardisimentu pa tudu ke ku Jesus fasi, i ke ki na bin fasi pa nos? Na Lukas 22:19, Jesus fala si sigiduris pa e lembra di si mortu. Pabia di kila ku manda kada anu, Tustumuñas di Jeova ta junta pa fasil. No na kumbidau pa bu junta ku nos pa Komemorason di Mortu di Jesus ku na fasidu dia dumingu, 24 di Marsu di 2024.

Jubi nunde ku Memorial na fasidu