زه اوږدمهاله ناروغي لرم. ایا د خدای کلام زما سره مرسته کولای شي؟
د خدای د کلام ځواب
هو، البته چې مرسته کولای شي. خدای پاک خپلو وفادارانو ته د اوږدمهالې ناروغۍ په وخت کې پاملرنه کوي. د خدای په کلام کې راغلی دی: یَهّوه خدای «به یې په بیمارۍ کښې خیال ساتی» (زبور ۴۱:۳). که چېرې د یوې اوږدمهالې ناروغۍ سره مخامخ یئ، تاسې د لاندې لیکل شویو مشورو څخه ډېره ګټه اخیستلای شئ:
۱. خدای ته دُعا کوئ چې قوت درکړي. کولای شئ چې «د خُدائ پاک سلامتی چې د پوهې نه بېخی بهر ده» تر لاسه کړئ. دا ډول به ستاسو اندیښنې کم شي او تاسې به هغه قوت مومئ، چې خپله هیله د لاسه ورنه کړئ. (فیلیپیان ۴:۶، ۷).
۲. مثبت فکره اوسئ. د خدای کلام وایي: «خوشحاله زړه شفا ورکوونکې دوا ده خو خفه روح د انسان هډوکي وچوي» (متلونه ۱۷:۲۲، د ختیځ افغانستان ژباړه). یو متال وایي: «خندا د ژوند مالګه ده» او په دې خاطر مه هېروئ چې کله کله وخاندئ. خندا تیاره په رڼا بدلولای شي او هم د روغتیا لپاره ډېره ګټوره ده.
۳. ستاسو هیله په راتلونکي باندې ټینګه کړئ. که چېرې ستاسو هیله ټینګه ده، تاسې به خوشحاله اوسئ، حتی د اوږدمهالې ناروغۍ په وخت کې (رومیان ۱۲:۱۲). د خدای د کلام څخه پوهېږو چې هغه وخت نږدې دی کله چې هېڅوک به ونه وایي: «مونږ بیمار یُو» (یشعیاه ۳۳:۲۴). هغه وخت خدای تعالی به ټولې ناروغۍ له منځه وړي. حتی هغه ناروغۍ چې اوس علاج نه لري. د مثال په توګه، د خدای په کلام کې د زوړوالي په باره کې لیکلي دي: «بدن دې د ځوانۍ په وجه تازه شی، په هغهٔ دې د ځوانۍ ورځې بیا راشی» (ایُوب ۳۳:۲۵).
پام وکړئ: که هم د یَهّوه شاهدان په خدای پاک باندې ایمان لري او د خدای په مرستې شک نه لري، دوی پوهېږي چې اوږدمهالو ناروغیو ته طبي مرسته پکاره ده او یې مني (مرقوس ۲:۱۷). سره له دې، مونږ به هېڅکله یوه یا بله طبي درملنه ستاسو پر ځای باندې نه خوښوو. هر څوک پخپله پرېکړه نیسي چې کوم ډول درملنه وکړي.
تړلی شوی
زمونږ په باره کې
لیدنه وغواړئ
د خدای د کلام څخه د یوې موضوع په باره کې خبرې اترې وکړئ یا د یَهّوه د شاهدانو په باره کې نور زده کړئ.