Mayqen religionllamanpis yaykoj runaqa, creenan tiyan chay religionta Dios, Jesús ima allinpaj qhawasqankuta. Mana ajinata creespaqa, nichá chay religionman satʼikunmanchu.

 Jesusqa mana nerqachu, salvacionman pusanawanchejpaj ashkha ñankuna kananta, nillataj ashkha religiones kanantapis. Astawanpis pay nerqa: “Punkoqa kʼullkumin, kʼullkullataj kawsayman pusaj ñampis. Chayta tarejkunaqa pisi kanku”, nispa (Mateo 7:14). Jehovaj testigosnenqa, chay kʼullku ñanta tarisqaykuta yuyayku. Mana jinata yuyaykuman chayqa, waj religiontachá maskʼakuykuman.