Ari. Tukuy Jehovaj testigosnenqa, mayllapipis tiyakojtiyku, misioneros jina kanaykupaj kallpachakuyku chantá mayllapipis kashaspa Bibliamanta willariykupuni (Mateo 28:19, 20).

 Chantapis, wakin Jehovaj testigosninmanta Diosmanta willanankupaj waj lugaresman, suyunkumanta waj llajtasman ima ripunku, maypichus Diospa palabranmanta sumaj willaykunata manaraj rejsinkuchu chay lugaresman. Wajkunataj waj suyusman ripunku. Tukuytaj kusikunku Jesús nisqan profeciata juntʼakusqanta rikuspa: “Rispataj, noqamanta testigos jina willankichej [...] tukuy kay pachaj kʼuchusninkama” (Hechos 1:8).

 Kay 1943 watapitaj uj escuela qallarikorqa misionerosta sumajta yachachinankupaj. Kaytaj sutikun: Galaad Escuela. Kunankamataj Jehovaj testigosninmanta pusaj waranqa jinaña kay escuelaman rinku.