Runaspa nisqanku: Jehovaj testigosnenqa mana Pascuata ruwankuchu, imaraykuchus mana Jesuspi creenkuchu.

 Cheqa kaj: Jesuscristota, salvawajniykuta jina qhawayku, pay jina “ruwanayk[upajtaj]” mayta kallpachakuyku (1 Pedro 2:21; Lucas 2:11).

 Runaspa nisqanku: Jesuspa kausarimuyninpi mana creenkuchu.

 Cheqa kaj: Noqayku Jesuspa kausarimuyninpi creeyku. Mana chayllachu, creeyniyku kausarimuyninpi sinchʼi sayasqa kashan. Chayraykutaj Jesusmanta runasman willayku (1 Corintios 15:3, 4, 12-15).

 Runaspa nisqanku: Chay fiestaspi wawasninkuta kusirikojta mana saqenkuchu.

 Cheqa kaj: Wawasniykuta munakuyku, sinchʼitataj kallpachakuyku wawasniykuman yachachinaykupaj, kusisqas kausakunankupaj ima (Tito 2:4, 5)

•   Pascua fiestaqa wakin lugarespi mana Bibliaj nisqanman jinachu.

•   Jesusqa wañuyninta yuyarinanchejta kamacherqa, nitaj kausarimuynintachu. Jehovaj testigosnintaj wañuyninta sapa wata yuyarikuyku unay tiempomanta judiospa calendarionkuman jina (Lucas 22:19, 20).

•   Kay fiestaqa mana Bibliaj nisqaman jinachu manaqa millay costumbresmanta jamun. Nitaj Dios allinpajchu qhawan. Jehovaqa “sinchʼi celoso Dios”, chayrayku payllata yupaychananchejta munan. Phiñakuntaj chejnisqan imasta ruwajtinchej (Éxodo 20:5; 1 Reyes 18:21).

 Cheqamanta yachayku Pascuata ruwayqa Bibliaj nisqanwan churanakusqanta. Runaspa costumbresninkuman jina ruwanaykumantaqa, Biblia nisqanman jina allin yuyaywan imatapis ruwayku (Proverbios 3:21; Mateo 15:3). Imapichus creesqaykumanta pillapis tapuriwajtiykoqa, tapuyninkuman kutichiyku. Jinapis imatachus ruwanankuta ajllayta atisqankuta jatunpaj qhawayku (1 Pedro 3:15).