2023 watamanta 19 al 23 de agostopi, Chile nacionpa uranejninpi sinchʼita paramorqa, ashkha wasistataj yaku pʼampaykorqa. Chayrayku ashkha hermanosninchej watejmanta llakiypi rikhurinku. Imajtinchus chay lugarllapitaj kay watamanta juniopi may sinchʼita paraykullarqataj. Yachajkunaqa ninku: “Chay jina loco parasqa, 10 watasmanta astawanña kay lugarpi mana rikukojchu”, nispa. Océano Pacífico nisqapi yakus qʼoñitatasqanrayku, ashkha lugarespi sinchʼitapuni paramun, tukuy imatataj pʼampaykun. Chaynejta Chilej uranejninpi, casi 25.000 wasis urmaykunku chayri allinchana rikhurinku, kinsa runastaj wañupunku.

• Ni mayqen hermano, nitaj hermanapis wañupunchu, nitaj imanakunchu.

• 225 hermanosninchej wasinkumanta ayqekorqanku.

• 13 wasispuni thuñinallapajña kashanku.

• 38 wasis allinchanata necesitanku.

• 3 Tantakuna Wasis allinchanata necesitanku, jinallataj uj hermanojta reunionespaj mañarisqan wasipis.

• Chay lugarmanta congregacionesta waturej hermanos, jinallataj ancianospis, hermanosninchejta familiasninkutawan Bibliawan sonqochashanku, necesitasqankupitaj yanaparishanku.

• Llakiypi kajkunata yanapanapaj, 2 gruposta wakichikun.

Chilemanta hermanosninchejpaj Jehovamanta mañapunchej. Imaraykuchus paykunaqa sinchʼi parasrayku llakiypi kashanku. Chantapis mayta munashanchej, Diospa Gobiernon tukuy kay llakiykunata chinkachinallantaña (Isaías 32:18).