20 DE SEPTIEMBRE DE 2023
RUSIA
Hermano Máxim Beltikovta carcelmanta kacharipunku
Kay 15 de septiembre de 2023 watapi, hermano Máxim Beltikovta carcelmanta kachariporqanku. Payqa Rusiamanta Jadyzhensk nisqa carcelpi wisqʼasqa kasharqa. Hermanonchejtaqa 2022 watamanta 17 de enerota juchacharqanku, iskay watasta carcelpi wisqʼasqa kananpaj. Jinapis aswan ñaupajtaña wisqʼasqa kasqanrayku, kay watamanta 15 de septiembreta kachariporqanku.
Maximwan señoran Mariawanqa kinsa wawasniyoj kanku. Hermanoqa manaraj policías japʼishajtinku nerqa: “Noqaykoqa familia jina tukuy ima Jehovaj makinpi kashasqanta yuyarikuykupuni. Kay llakiy tiempospi chay yanapawayku kusisqallapuni kanaykupaj. Chayrayku Josué 24:15 nin jina, ‘noqawan familiaywanqa Jehová Diostapuni sirvikusqayku’”.
Hermano Maximtaqa juchacharqanku, runasta Diospi creenankupaj obligasqanta nispa. Paytaj juecesman mana manchachikuspa nerqa: “Mana pitapis Diospi creenanpaj obliganichu. Nitaj pʼenqakunichu allin kajta ruwashasqaymanta. Mayta kusikuni Jehovaj testigon kasqayrayku juzgashawasqankumanta”, nispa.
Sutʼita yachayku, Jehovaqa hermano Maximta, señoranta, wawasninkutawan yanapanallantapuni (Salmo 4:3).