18 de agosto de 2023 watapi, Perm nisqa lugarpi Solikamsk llajtamanta Tribunal Municipalqa kinsa hermanosta qhasillamanta juchacharqa. Paykunaqa kanku: Vladímir Poltorádnev, Alexánder Sóbianin, Vladímir Timoshkin ima. Tribunalqa hermanosman kamacherqa kay chhika multata paganankuta: 6.787 dólares (638.000 rublos), 5.255 dólares (494.000 rublos), chantá 5.447 dólares (512.000 rublos). Jinapis paykunataqa manaraj carcelman wisqʼanqankuchu.

Jehová Diosqa paypi atienekojkunamanta ni jaykʼaj qonqakonqachu (Salmo 13:5, 6).

1. 28 de julio de 2020

   Policías hermanospa wasinkuman yaykunku, kinsantinkutataj pisi tiempollapaj carcelman apanku.

2. 29 de julio de 2020

   Vladímir Timoshkinta carcelmanta kacharipunku, wasinpitaj wisqʼaykunku.

3. 30 de julio de 2020

   Alexsanderta carcelmanta kacharipunku, ni mayman viajanantataj kamachinku.

4. 31 de julio de 2020

   Vladímir Poltoradnevta carcelmanta kacharipunku, wasinpitaj wisqʼaykunku.

5. 24 de septiembre de 2020

   Vladímir Poltoradnevta wasinpi wisqʼasqamanta kacharipunku, ni mayman viajanantataj kamachinku.

6. 26 de octubre de 2020

   Vladímir Timoshkinta wasinpi wisqʼasqamanta kacharipunku, ni mayman viajanantataj kamachinku.

7. 16 de mayo de 2023

   Hermanosta juzgadopi juzgayta qallarinku.