2 Crónicas 34:1-33
34 Josiasqa+ pusaj watitasniyoj karqa rey jina kamachiyta qallarishajtin, Jerusalenpitaj 31 watasta kamacherqa.+
2 Josiasqa Jehová Diospa qhawayninpi allin kajta ruwarqa, ñaupa tatan David jina allinta purerqa. Josiasqa cheqan ñanmanta ni pañaman ni lloqʼeman wistʼuykorqachu.
3 Josiasqa pusaj watastaña kamachishajtin, jovenllaraj kashaspa ñaupa tatan Davidpa Diosninta sirviyta qallarerqa,+ 12 watastaña kamachishajtintaj Judata, Jerusalentawan llimphucharqa,+ chay pata lugaresta+ chinkachispa, jinallataj yupaychana kʼullu postesta,* santosta,+ metalmanta* ruwasqa santostapis chinkachispa.
4 Chantá Josías qhawashajtin Baal santospa altaresninta urmacherqanku. Josiastaj urmacherqa chay patasninkupi karqa chay incienso qʼoshñichina altaresta. Chantá tʼunararqa yupaychana kʼullu postesta, santosta, metalmanta* santostapis. Chay imastaqa ñutʼutapuni jallpʼata jina ruwarqa, chaytataj qhallamorqa* chaykunaman jaywanasta jaywaj kanku chay runaspa sepulturasninku pataman.+
5 Sacerdotespa tullusninkutapis chay altares patapi ruphacherqa.+ Ajinata Josiasqa Judata, Jerusalentawan llimphucharqa.
6 Chantá Manasés llajtaspi, Efraín llajtaspi,+ Simeón llajtaspi, Neftalí llajtaspipis, muyuyninkupi thuñisqas karqa chaykunapi
7 altaresta urmacherqa, yupaychana kʼullu postesta, santostapis+ tʼunata ruwarqa. Israelpa tukuy jallpʼasnintinpi urmacherqa tukuynin incienso qʼoshñichina altaresta,+ chantá Jerusalenman kutiporqa.
8 Josiasqa 18 watasta kamachishajtin, tukuynin nacionta, templotapis llimphuchayta tukucharqa. Chantá Jehová Diosninpa wasinta allinchanankupaj+ kacharqa Azaliaspa wawan Safanta,+ llajtamanta kamachej Maaseyata, Joacazpa wawan Joatawan, Joaqa reypa qhelqerin karqa.
9 Paykunaqa kuraj kaj sacerdote* Hilquiaspaman rerqanku, jaywarqankutaj Diospa wasinman apamorqanku chay qolqeta. Chay qolqetaqa punkusta qhawaj levitas tantasqanku Manasés ayllumanta,* Efraín ayllumanta, Israelpa chay waj ayllusninmantawan.+ Tantallasqankutaj Judamantapis, Benjaminmantapis, Jerusalenpi tiyakojkunamantapis.
10 Chay qolqetaqa jaywarqanku Jehová Diospa wasinpi trabajosmanta encargadosman. Jehová Diospa wasinpi trabajajkunataj chay qolqewan wasita arreglarqanku.
11 Chay qolqetaqa qorqanku tukuy imata ruwayta yachaj trabajadoresman, chay waj trabajadoresmanpis. Chaywan kʼutusqa rumista, maderastawan rantinankupaj, puntalespaj, wasistapis vigaswan sayachinankupaj. Chay wasistaqa Judamanta reyes thantakojta qhawallasqanku.+
12 Trabajajkunaqa sumajta trabajarqanku.+ Chay trabajadorespa encargadosninku kanankupajtaj levitasta churarqanku, meraritasmanta+ Jahatta, Abdiastawan, coatitasmantataj+ Zacariasta, Mesulamtawan. Sumajta tocaj kanku+ chay tukuynin levitastaj,
13 peonesmanta* encargados karqanku, tukuy laya* ruwanaspi tukuy trabajajkunamantapis. Wakin levitastaj secretarios karqanku, wakintaj yanapakojkuna karqanku, wakintaj punkusta qhawaj kanku.+
14 Jehová Diospa wasinman qolqeta apamusqankuta orqhoshajtinku,+ sacerdote Hilquiasqa Jehová Diospa Leyninmanta librota+ tarerqa, mayqentachus Moisesnejta qosqa karqa chayta.+
15 Hilquiastaj secretario Safanta nerqa: “Jehová Diospa wasinpi Leymanta librota tarini”, nispa. Chantá Hilquiasqa Safanman chay librota jaywarqa.
16 Safantaj chay librota reypaman aparqa, nerqataj: “Kamachisniykeqa kamachisqa kasqankuman jina tukuy imata ruwashanku.
17 Jehová Diospa wasinpi karqa chay qolqeta oqharispa encargadosman, trabajadoresmanpis qonku”, nispa.
18 Secretario Safanqa reyman nillarqataj: “Sacerdote Hilquiasqa uj librota qowan”,+ nispa. Reypa ñaupaqenpitaj leej churakorqa.+
19 Reytaj Leypi imatachus nisqanta uyarispa ropanta llikʼikorqa.+
20 Chantá reyqa Hilquiasta, Safanpa wawan Ahicamta,+ Miqueaspa wawan Abdonta, secretario Safanta, reypa kamachin Asayatawan, kay jinata kamacherqa:
21 “Rispa Jehová Diosta tapumuychej noqarayku, jinallataj Israelpi, Judapipis kankuraj chay runasrayku, tarisqanku libropi imastachus nisqanmanta. Jehová Diosqa patanchejman sinchʼi phiñakuyninta kachaykamuwasun. Ñaupa tatasninchejqa Jehová Diospa nisqasninta mana kasukusqankuchu, nitaj kay libroj tukuy ima nisqanta juntʼasqankuchu”,+ nispa.
22 Chantá sacerdote Hilquiasqa, pikunatachus rey kacharqa chay runaswan khuska rerqa profetisa+ Huldaman. Huldaqa Salumpa warmin karqa. Salumqa ropa jallchʼana wasimanta cargoyoj karqa, tatanqa Ticvá karqa, Ticvaj tatantaj Harhás karqa. Profetisa Huldaqa Jerusalén llajtapi tiyakoj, mosoj wasis karqa chaynejpi. Chaypitaj reypa kachasqasnenqa Huldawan parlarqanku.+
23 Huldataj paykunaman nerqa: “Israelpa Diosnin Jehovaqa kayta nin: ‘Kachamusorqachej chay runaman kayta willamuychej:
24 “Jehová Diosqa kayta nin: ‘Kay lugarman, kaypi tiyakojkunamanpis ñakʼariyta apachimusaj,+ chay libropi qhelqasqa kashan chay tukuynin maldicionesta apachimusaj,+ mayqentachus Judaj reyninpa ñaupaqenpi leerqanku chay libroj nisqanta.
25 Paykunaqa saqerpariwanku,+ jaywanastapis waj diosespaj qʼoshñichinku, tukuy ima ruwasqankuwan phiñachiwanku.+ Chayrayku kay lugarman phiñakuyniyta kachaykamusaj, manataj thasnukonqachu’,+ nispa”.
26 Jehová Diosta tapunaykichejpaj kachamusorqachej chay Judaj reyninmantaj kayta willamuychej: “Uyarerqanki chay palabrasmantaqa Israelpa Diosnin Jehovaqa kayta nin:+
27 ‘Qanqa uyarerqanki imatachus Dios kay lugarpa contranpi parlasqanta, kaypi tiyakojkunaj contranpi parlasqantapis. Chayta uyarispa sonqoykeqa wawayarqa, Diospa ñaupaqenpitaj kʼumuykukorqanki. Qanqa ñaupaqeypi kʼumuykukorqanki, ropaykitapis llikʼikorqanki, ñaupaqeypitaj waqarqanki. Chayrayku noqaqa mañakuwasqaykita uyarini,+ nispa nin Jehová Diosqa.
28 Chayrayku ñaupa tatasniyki jina wañupunki, sepulturapitaj pʼampasqa kanki. Manataj rikunkichu ima ñakʼariykunatachus kay lugarman, kaypi tiyakojkunamanpis apachimusaj chayta’,+ nispa”’”.
Reypa kachasqasnintaj chayta reyman willamorqanku.
29 Chayta uyarispataj rey Josiasqa Judamanta, Jerusalenmantawan tukuynin kurajkunata tantachimorqa.+
30 Chantá rey Josiasqa Jehová Diospa wasinman wicharerqa Judamanta tukuy runaswan, Jerusalenpi tiyakoj runaswan, sacerdoteswan, levitaswan khuska. Tukuy runaspuni wicharerqanku wawaspis machituspis. Chaypitaj rey Josiasqa trato libropi tukuy ima nisqanta tukuy runaspaj leeporqa, mayqentachus Jehová Diospa wasinpi tarerqanku chay libromanta.+
31 Rey Josiasqa lugarninpi sayaykuspa Jehová Diospa ñaupaqenpi uj tratota ruwarqa.+ Chaypi pay nerqa Jehová Diosta yupaychanallantapuni, chantapis kamachiykunasninta, yuyarichisqasninta, leyesnintapis kasukunanta tukuy sonqonwan, tukuy kausayninwan,*+ imaschus chay trato libropi+ qhelqasqa kasharqa chayta juntʼaspa.
32 Chantapis reyqa Jerusalenpi, Benjaminpi kasharqanku chay runasta kallpacharqa chayta juntʼanankupaj. Jerusalenpi tiyakojkunataj chaymantapacha ñaupa tatasninkoj Diosninpa tratonman jina kausarqanku.+
33 Chantá Josiasqa chay tukuynin millay santosta chinkacherqa israelitaspa tukuynin jallpʼasninmanta,+ Israelpi tukuy tiyakojkunatataj yanaparqa Jehová Diosninkuta sirvinankupaj. Josías kausashajtenqa paykunaqa ñaupa tatasninkoj Diosnin Jehovata sirvishallarqankupuni, mana wistʼuykuspa.
Sutʼinchaykunasnin
^ Glosariopi yupaychana kʼullu poste nisqata leeriy.
^ Chayri “unuyachisqa metalmanta”.
^ Chayri “unuyachisqa metalmanta”.
^ Qhallay: waj lugarespi ninku qhalliy.
^ Glosariopi kuraj kaj sacerdote nisqata leeriy.
^ Uj aylloqa uj familiamanta miraj ashkha familias kanku.
^ Chayri “tukuy rijchʼaj”.
^ Chayri “qʼepirismanta”.
