Isaías 15:1-9
-
Moabpa contranpi willay (1-9)
15 Kay willayqa Moabpa contranpi kashan:+
Uj chʼisillapi thuñisqa kasqanraykuMoabmanta Ar llajtaqa+ chʼinpacha rikhurin.
Uj chʼisillapi thuñisqa kasqanraykuMoabmanta Quir llajtaqa+ chʼinpacha rikhurin.
2 Runasqa* wicharinku Wasiman,* Dibonmanpis,+chay pata lugaresman waqaj wicharinku.
Moabqa Nebomanta,+ Medebamantawan+ waqan.
Tukuynin umasqa pʼajlasqaña kashanku,+ tukuynin barbaspis* kʼutusqaña kashanku.+
3 Callesninpi runasqa qhashqa ropasta churakunku.
Terrazasninkupi* plazasninkupi waqashanku,waqaspa uraykamushanku.+
4 Hesbonwan Elealewanqa+ qhaparikunku.
Qhaparisqankoqa Jahazkama uyarikun.+
Chayrayku Moabmanta soldadosqa qhaparishallankupuni.
Nacionqa kharkatishan.
5 Sonqoyqa Moabrayku qhaparikun,Moabmanta runasqa Zoarkama,+ Eglat-Selisiyakama+ ayqekunku.
Luhit kinrayta* waqaspa wicharinku.
Chay qhatirisqanmantaqa Horonaimman rej ñanpi qhaparikunku.+
6 Nimrim yakusqa qʼalata chʼakipunku.
Qʼomer qhoraspis chʼakipunku.
Manaña qhoras kanchu, nitaj ima qʼomerpis.
7 Chayrayku puchoj mikhunasninkuta, kapuyninkutapis apakapushanku,álamos mayuta* chimpashanku.
8 Qhaparikusqankoqa tukuynin Moab jallpʼapi uyarikun.+
Waqasqankoqa Eglaimkama uyarikun,waqasqankoqa Beer-Elimkama uyarikun.
9 Dimón yakusqa yawarllaña kashan,Dimonpajqa kaypis tiyapullawantaj:
Uj león tiyapuwan Moabmanta ayqekojkunapaj,chay nacionpi qhepakojkunapajpis.+
Sutʼinchaykunasnin
^ Barba: waj lugarespi ninku chhunka, sunkha.
^ Chayri “Temploman”.
^ Hebreo parlaypeqa nin, “Payqa”.
^ Chayri “Wasi patasninkupi”.
^ Chayri “Luhit faldata”.
^ Chayri “wayqʼota”.