Isaías 24:1-23
24 Jehová Diosqa kay jallpʼata chʼusajchashan, chʼinpachatataj saqeshan.+
Jallpʼataqa tijrarqon,+ chaypi tiyakojkunatataj tukuynejman tʼaqaran.+
2 Tukuyta uj rejta qhatirenqa:
runasta sacerdotetapis,kamachita patronnintapis,sirvientata patronantapis,rantejta vendejtapis,mañarejta mañarikojtapis,qolqeta manojta manukojtapis.+
3 Kay jallpʼaqa qʼala chʼusajchasqa kanqa,qʼala saqueasqa kanqa,+Jehová Dios chayta nisqanrayku.
4 Jallpʼaqa llakiymanta waqashan,+ saykʼusqaña kashan.
Poqoj jallpʼaqa chʼakipushan, saykʼusqaña kashan.
Jallpʼamanta qhapaj runasqa chinkaripushanku.
5 Jallpʼataqa chaypi tiyakojkunallataj chʼichichanku.+
Paykunaqa mana leyesta kasukunkuchu,+kamachiykunata cambianku,+ashkha wataspaj karqa chay tratotapis* pʼakinku.+
6 Chayrayku maldicionqa kay jallpʼata oqoykushan,+chaypi tiyakojkunallataj juchayoj kanku.
Chayrayku kay jallpʼapi tiyakojkunaqa pisillaña kanku,pisi runasllaña puchunku.+
7 Mosoj vinoqa llakiywan waqarikushan,* uva sachʼapis qawishan,+kusisqa kajkunapis ay ay nishanku.+
8 Panderetaspa* kusiyninku tukukapun,fiesterospa chʼajwasqanku tukukapun,arpaj kusiy waqayninpis tukukapullantaj.+
9 Vinota tomajtinku manaña takiykuna kanchu,tomajkunapajqa alcoholpis jaya.
10 Chʼin llajtaqa raqayllaña* kashan.+
Tukuy wasis llaveykusqa kashanku, ni pi yaykuyta atinchu.
11 Callespeqa vinota mañakushanku.
Tukuy kusiyninku tukukapun.
Jallpʼaj kusiyninpis chinkapun.+
12 Llajtaqa raqayllaña kashan,llajta punkupis qʼala thuñisqa kashan.+
13 Kay jallpʼaqa naciones chaupipi kay jina kanqa:
Imaynatachus olivo sachʼata wajtaspa cosechanku ajina kanqa,+imaynatachus uvasta pallaytawanña chajmanku* ajina kanqa.+
14 Paykunaqa qhaparenqanku,kusiywan qhaparenqanku.
Mar qochamantapacha* Jehová Diospa jatun kayninta willanqanku.+
15 Chayrayku inti llojsimuynejpi Jehová Diosta jatunchanqanku.+
Mar qocha churuspi* Israelpa Diosnin Jehovaj sutinta jatunchanqanku.+
16 Takiykuna uyarikamun jallpʼaj kʼuchusninmantapacha:
“Cheqan Dios jatunchasqa kachun”,+ nispa.
Noqatajrí nini: “Tukukapushaniña, llakiywan tukukapushaniña.
Imanallasajchus, wasanchajkunaqa wasanchanku, chʼaukiyankutaj.*
Wasanchajkunaqa wasanchashallankupuni, chʼaukiyashallankupuni”,+ nispa.
17 Kay jallpʼapi tiyakoj runa, qanpajqa kanqa manchachikuylla, tʼoqoslla, trampaslla.+
18 Manchachikoj chʼajwamanta ayqejqa tʼoqoman urmaykonqa.
Tʼoqomanta llojsimojtaj trampawan japʼichikonqa.+
Cieloj punkusnin kicharisqa kanqa,jallpʼaj cimientosnintaj kharkatitenqa.
19 Jallpʼaqa phataykun,jallpʼaqa kuyuykacharin,jallpʼaqa sinchʼita thalaykachakun.+
20 Jallpʼaqa machasqa jina chankaykachan,*wayraj kuyuchisqan ramada jina kayman jaqayman kuyuykacharin.
Juchanqa payta ñitʼiykushanña.+
Manaña ujtawan jatarikunanpaj jina urmanqa.
21 Chay pʼunchay Jehová Diosqa patapi kaj ejercitota qhawarenqa,jallpʼapi kaj reyestapis qhawarenqa.
22 Paykunaqa presos jinauj tʼoqollapi tantaykusqa kanqanku,carcelpi wisqʼaykusqa kanqanku,unayninmantaj castigasqa kanqanku.
23 Killa juntʼaqa* pʼenqachisqa kanqa,kʼanchaj intipis pʼenqaypi rikhurenqa,+angelesta kamachej Jehová Dios Sion orqopi,+ Jerusalenpipis Rey kasqanrayku.+
Payqa llajtanmanta kurajkunaj ñaupaqenpi jatunpaj qhawasqa kanqa.+
Sutʼinchaykunasnin
^ Chayri “ñaupa tratotapis”.
^ Ichá nillanmantaj “Mosoj vinoqa chʼakipushan”.
^ Chayri “Tamborcitospa”.
^ Raqay: waj lugarespi ninku laqayas.
^ Chajmakuy: waj lugarespi ninku pallakuy, chajmikuy.
^ Chayri “Inti chinkaykuy ladomantapacha”.
^ Chayri “islaspi”.
^ Chayri “engañankutaj”.
^ Chankaykachay: waj lugarespi ninku tharpiykachay, aylinkachay, thamaykachay.
^ Killa juntʼa: waj lugarespi ninku lleno, pura.
