Isaías 26:1-21
26 Chay pʼunchayqa kay takiyta Judá jallpʼapi+ takenqanku:+
“Llajtanchejqa sumaj sinchʼi.+
Payqa llajtanchejpaj salvacionta apamun jatuchaj perqasta jina, ura perqasta jina.+
2 Punkusta kichariychej,+ cheqan kajta ruwaj nación yaykunanpaj,Diosta kasukoj nación yaykunanpaj.
3 Qanpi tukuy sonqo atienekojkunata jarkʼanki,sonqo tiyaykuyta paykunaman qonki,+qanpi atienekusqankurayku.+
4 Jehová Diospi wiñaypaj atienekuychej.+
Jehovaqa,* Jehová Diosqa wiñaypaj Chhanka.+
5 Diosqa patapi tiyakojkunata kʼumuykachachin, chay pata llajtapi tiyakojkunata.
Chay llajtataqa uraman wijchʼuykamun,jallpʼaman choqaykamun,pampaman choqan.
6 Chay llajtataqa ñakʼarejkuna,wajcha runas saronqanku”.
7 Cheqan runaspa ñanninkoqa cheqan.*
Cheqan kasqaykiraykucheqan runaspa ñanninkuta pichanki.
8 Jehová Diosníy, cheqan ñanniykita purispaqanpi atienekuyku.
Tukuy sonqoykuwan sutiykita mayta munakuyku, munaykutaj yuyarisqa kananta.*
9 Chʼisisnenqa maytapuni rikuyta munayki tukuy sonqoywan,anchatapuni maskʼayki.+
Jallpʼata juzgajtiykichaypi tiyakojkunaqa cheqan kajta ruwayta yachakunku.+
10 Sajra runaqa payta khuyakojtinkupis,manapuni cheqan kajta ruwayta yachakonqachu.+
Cheqan runas tiyakunku chay jallpʼapi tiyakojtinpis sajra kajllatapuni ruwanqa,+Jehová Diospa jatun kaynintapis mana rikonqachu.+
11 Jehová Diosníy, makiykita oqharejtiykipis mana rikunkuchu.+
Llajtaykita sinchʼita munakusqaykita rikuspa pʼenqaypi rikhurenqanku.
Enemigosniykipaj kashan chay ninaqa paykunata ruphaykonqa.
12 Jehová Diosníy, qanmin sonqo tiyaykuyta qowasqayku.+
Qanmin kallpata qowaykutukuy imata ruwanaykupaj.
13 Jehová Diosníy, qanmanta waj patrones kamachillawarqaykutaj,+noqaykutajrí sutillaykita jatunchayku.+
14 Paykunaqa wañusqa kashanku, mana kausarimonqankuchu.
Wañusqa kashanku, mana sayarimonqankuchu.+
Paykunata qhawarerqanki tukuchinaykipaj,manaña ujtawan yuyarisqa kanankupaj.
15 Jehová Diosníy, nacionta wiñachinki,nacionta wiñachinki,jatunpaj qhawachikunki.+
Kay jallpʼata astawan jatunyachinaykipaj tukuynin lindesninta* may karuman suchuchinki.+
16 Jehová Diosníy, llakiyninkupi qanman kutirikamorqanku.
Castigajtiyki paykunaqa chhichispallaña tukuy sonqo mañakusorqanku.+
17 Imaynatachus onqoj warmi nacechikunanpajña kashajtinnanaywan japʼichikuspa qhaparikun,ajinata Jehová Diosníy, noqaykuta nanaykuchiwarqayku.
18 Noqaykoqa onqoj rikhurerqayku, nacechikunaykupaj nanaywan japʼichikorqayku,chaywanpis wayrallatapis nacechikuykuman jina karqa.
Ni salvaciontapis kay jallpʼaman apamuykuchu,nitaj pipis nacekunchu kay jallpʼapi tiyakunanpaj.
19 “Wañusqasniykeqa kausarimonqanku.
Ayasneyqa* sayarimonqanku.+
Rijchʼariychej, kusiywan qhapariychejjallpʼa ukhupi kajkuna.+
Qanpa chhullaykeqa sutʼiyay chhulla jina,*jallpʼaqa wañusqasta kausarimojta saqellanqa.*
20 Nacionníy, ukhu cuartosniykiman yaykuy,punkutataj wisqʼaykakamuy.+
Uj rato pakakuyDiospa phiñakuynin thasnukunankama.+
21 Qhawariychej, Jehová Diosqa tiyakusqan lugarmantapacha jamushankay jallpʼapi tiyakojkunata pantasqasninkumanta cuentata mañananpaj.
Jallpʼaqa runata wañuchisqanta sutʼiman orqhonqa,manaña wañusqasninta pakanqachu”.
Sutʼinchaykunasnin
^ Hebreo parlaypeqa nin, “Jah”. Jah suteqa pisi letrasllapi Jehová niyta munan.
^ Chayri “pichasqa”.
^ Kaypeqa parlashan Diospis sutinpis yuyarisqa kanankumanta, rejsisqa kanankumantawan.
^ Linde: waj lugarespi ninku lindero.
^ Hebreo parlaypeqa nin, “Ayay”. Chayri “Cuerpoy”.
^ Ichá nillanmantaj “qhoraspi chhulla jina”.
^ Chayri “jallpʼaqa wañusqasta nacechikonqa”.
