Isaías 28:1-29
28 Ay Efrainpi machasqaspa may sumaj* coronankumanta.*+
Chay kʼachitu coronaqa chʼakisqa tʼika jinalla.
Chay coronaqa kashan vinowan machasqaspa sumajta poqoj pampasninkoj lomanpi.
2 Jehová Diosqa uj kallpayoj atiyniyojta kachamonqa.
Qhon qhon nirispa granizo jina, tukuy imata apaj sinchʼi wayra jina,loco para jinatajpayqa kallpawan jallpʼaman chinkaykuchimonqa.
3 Efrainpi machasqaspa may sumaj* coronasninkoqasarurasqa kanqa.+
4 Kʼachitu coronaqa chʼakisqa tʼika jinalla.
Chayqa kashan sumajta poqoj pampaspa kʼuchu lomanpi.
Chay coronaqa niraj qʼoñi tiempo chamushajtin higospa ñaupaj poqoynin jina kanqa:
Chayta rikojqa, pʼitiytawan* mikhuykakapun.
5 Chay pʼunchay angelesta kamachej Jehová Diosqa, llajtanmanta puchojkunapaj jatunpaj qhawasqa corona jina kanqa, kʼachitu tʼika pillu jinataj.+
6 Payqa jueceswan justiciata ruwachenqa, atiytapis qonqa enemigosmanta llajta punkuta jarkʼajkunaman.+
7 Sacerdotespis profetaspis vinowan machaykuspa wistʼuykapunku.
Machanasninkoqa paykunata chankaykachachin.*
Paykunaqa alcoholwan machaykuspa wistʼuykapunku.
Vinoqa umankuta muyuchin,alcoholtaj chankaykachachin.
Mana allinta rikusqankupi wistʼuykapunku,juzgaspataj pantaykunku.+
8 Mesasninkoqa chhika millayta lansasqankuwan juntʼa kashan,mana uj trechollapis llimphoqa kanchu.
9 ¿Pimantaj yachachenqa?
¿Pimantaj chay willayta sutʼinchanqa?
¿Kunallanraj ñuñumanta pʼitisqa wawasmanchu?
¿Kunallanraj pʼitisqa wawasmanchu?
10 Payqa tukuy tiempo nishan: “Uj kamachiymanta waj kamachiyñataj, uj kamachiymanta waj kamachiyñataj.
Uj leymanta waj leyñataj, uj leymanta waj leyñataj.+
Kaypi uj chhikan, jaqaypi uj chhikan”, nispa.
11 Ajinata payqa khaku khakuta parlajkunanejta, waj nacionpa parlayninkupi kay llajtawan parlanqa.+
12 Uj pacha paykunaman nerqa: “Kay lugarqa samarikunapaj. Saykʼusqas samarikuchunku. Kaymin samarikuna lugarqa”, nispa. Paykunatajrí mana uyariyta munarqankuchu.+
13 Chayrayku Jehová Diosqa paykunata nenqa:
“Uj kamachiymanta waj kamachiyñataj, uj kamachiymanta waj kamachiyñataj.
Uj leymanta waj leyñataj, uj leymanta waj leyñataj.+
Kaypi uj chhikan, jaqaypi uj chhikan”, nispa.
Ajinata purisqankupijaytʼakuspa* wasaman choqakunankupaj,qʼala nanasqa kaspataj trampawan japʼichikunankupaj.+
14 Chayrayku uyariychej Jehová Diospa nisqasninta qankuna jatunchakojkuna,kay nacionta Jerusalenpi kamachejkuna.
15 Qankunaqa nishankichej:
“Wañuywan uj tratota ruwanchej,+Sepulturawanpis* tratota ruwallanchejtaj.
Yaku wasariykamuspa ujllata juntʼaykamojtin
mana apakapuwasunchu.
Noqanchejqa llullakuypi pakakunchej,chʼaukiyaypipis”,*+ nispa.
16 Chayrayku Tukuyta Kamachej Señor Jehová Diosqa nin:
“Sionpa cimienton kananpaj pruebaman churasqa rumita churani,+chay valorniyoj esquina rumita+ churani sumaj cimiento kananpaj.+
Chaypi atienekojqa mana manchachikonqachu.+
17 Justiciataqa midina qʼaytu kananpaj churasaj,+cheqan kajtataj nivel kananpaj.*+
Llullakuypi pakakunataqa granizo apakaponqa,chay pakakunamanqa yaku juntʼaykonqa.
18 Wañuywan tratota ruwasqaykichejqa manaña valenqachu,Sepulturawan* tratota ruwasqaykichejpis chinkaponqa.+
Yaku wasariykamuspa ujllata juntʼaykamojtenqapʼaltasqata pʼaltarpasonqachej.
19 Sapa wasariykamojtinapakapusonqachej.+
Sapa paqarin wasariykamonqa,pʼunchaypis tutanpis.
Paykunaqa mancharikusparaj chay willayta entiendenqanku”,* nispa.
20 Catreqa ancha juchʼuysitu jaytʼarakunapaj,phullupis juchʼuysitullataj maytʼuykukunapaj.
21 Jehová Diosqa Perazim orqopi jina sayaykullanqataj,Gabaón qaylla mayupi jina* rijchʼarillanqataj,+ruwananta ruwananpaj, chay mana jaykʼaj ruwasqanta,ruwananta juntʼananpaj, chay tʼukuna ruwananta.+
22 Kunanqa ama asikuychejchu,+ama cadenasniykichej astawan matʼiykukunankupaj.
Tukuyta Kamachej Señor Jehová Diosta, angelesta kamachej Diosta uyarini,kay tukuynin jallpʼata chinkachinantapuni nisqanta.+
23 Uyariychej parlasqayta,sumajta uyariychej nisqayta.
24 ¿Llankʼaj runaqa diantintachu yuntawan llankʼan niraj mujuta tʼakashaspa?
¿Tukuy tiempochu jallpʼanta barbechan, pampachanpis?+
25 Jallpʼata pampachaytawanqa,¿manachu yana cominota tʼakan, cominotapis tarpun?
¿Manachu trigota, mijota, cebadatapis* sapa ujta lugarninpi tarpun,espeltatataj+ kantusnillanpi tarpun?
26 Diosnenqa maychus kajta ruwananpaj payman yachachin,*Diosnin payman yachachin.+
27 Yana cominotaqa mana trillowanchu saruchina,+cominotapis mana carretaj ruedanwanchu saruchina.
Yana cominotaqa varawan wajtana,cominotapis kʼaspiwan wajtana.
28 ¿Saruchishaspaqa tʼantata ruwanapaj jinachu ñutʼuta saruchina?
Mana, mana ñutʼuchinakamachu saruchina.+
Caballoswan carretata aysachispa rodillowan saruchispapis,mana ñutʼuchinakamachu saruchina.+
29 Chaypis angelesta kamachej Jehová Diosllamantataj jamun.
Ruwasaj nisqanqa* may sumaj,ruwasqasnenqa tʼukunapaj jina.+
Sutʼinchaykunasnin
^ Corona nispaqa Samaria llajtamantasina parlashan, chayqa capital karqa.
^ Chayri “wapuykachaj”, “jatunchakoj”.
^ Chayri “wapuykachaj”, “jatunchakoj”.
^ Pʼitiy: waj lugarespi ninku tʼipiy.
^ Chankaykachay: waj lugarespi ninku tharpiykachay, aylinkachay, thamaykachay.
^ Jaytʼakuy: waj lugarespi ninku tropezakuy.
^ Chayri “engañaypipis”.
^ Chayri “plomada kananpaj”.
^ Ichá nillanmantaj “entiendesparaj sinchʼita mancharikonqanku”.
^ Chayri “ura pampapi jina”.
^ Cebada: waj lugarespi ninku grano.
^ Chayri “payta castigan”.
^ Chayri “Yuyaychasqanqa”.