Isaías 4:1-6
4 Chay pʼunchayqa qanchis warmis uj runallamanta japʼiykukuspa+ nenqanku:
“Noqaykoqa mikhunallaykuta mikhusqayku,ropatapis noqayku ruwakusqayku,sutillaykita qowayku ari,chaywanqa manaña pisipaj qhawasqachu kasqayku”,*+ nispa.
2 Chay pʼunchayqa Jehová Diospa pʼutuchimusqan may sumaj kanqa, tʼukunataj. Israelmanta puchojkunaqa jallpʼaj poqosqanmanta sonqo juntʼasqa kanqanku, kusikonqankutaj.+
3 Sionpi, Jerusalenpipis kausashaj puchojkunaqa Diospaj tʼaqasqa kanqanku, Jerusalenmanta tukuy qhelqasqa kajkuna kausanankupaj.+
4 Jehová Diosqa kʼajaj phiñakuyninta Jerusalenman chayachenqa, juzganqataj.+ Ajinata Sionpa warmi wawasninpa tukuy chʼichinkuta mayllanqa,+ Jerusalenmantapis yawarta jichʼasqankuta mayllanqa.
5 Chaypacha Jehová Diosqa tukuynin Sion orqopipis, runas tantasqa kanqanku chaypipis pʼunchayqa qʼoshñiwan phuyuykuchenqa, tutantaj laurashaj ninata kʼanchachenqa.+ Chay jina sumaj lugarqa jarkʼasqa kanqa.
6 Kallanqataj uj chʼujllapis ruphaymanta llanthukunapaj,+ jinallataj sinchʼi wayramanta, paramantawan pakakunapajpis.+
Sutʼinchaykunasnin
^ Pisipaj qhawasqa nispaqa mana qosayoj, mana wawasniyoj kaspa kʼumuykachachisqa kasqankumanta parlashan.
