Isaías 50:1-11
50 Jehová Diosqa kayta nin:
“¿Mamaykichejta wijchʼushaspa qosqanichu divorcio papelta?+
¿Mayqen manuymantaj vendeykorqaykichej?
Qankunaqa kikin juchasniykichejrayku vendesqa karqankichej,+mamaykichejpis juchasniykichejraykullataj wijchʼusqa karqa.+
2 Chanta, ¿imajtín noqa jamushajtiy mana pipis karqachu?
¿Imajtín noqa wajyamojtiy ni pi uyariwarqachu?+
¿Makeyqa ancha juchʼuychu mana salvayta atinaypajqa?
¿Nichu atiyniyoj kani kacharichinaypajqa?+
Ujta kʼamispalla mar yakusta chʼakichini,+mayustapis chʼaki jallpʼaman tukuchini.+
Chaypi kaj pescadosqa yakumanta jina asnaykunku,yaku chʼakiywantaj wañunku.
3 Cielotaqa yana phuyuswan pʼachallichini,+qhashqa telawantaj qhataykuni”.
4 Tukuyta Kamachej Señor Jehová Diosqa yachachiwan imatachus ninayta,+saykʼusqaman kʼacha palabraswan kutichinaypaj.*+
Sapa paqarin rijchʼarichiwan,ninrisniyta kicharin yachakojkuna jina uyarinaypaj.+
5 Tukuyta Kamachej Señor Jehová Diosqa ninriyta kicharerqa,noqataj mana kʼullukorqanichu.*+
Mana wajtachu ruwarqani.+
6 Maqawajkunaman wasayta rikucherqani,barbayta* tʼirawajkunamanpis uyayta rikucherqani.
Uyaytaqa mana pakarqanichu kʼumuykachachiwajkunamanta, thoqaykuwajkunamantapis.+
7 Tukuyta Kamachej Señor Jehová Dios yanapawanqa.+
Chayrayku mana kʼumuykachachisqa jinachu kasaj.
Uyaytapis pedernal rumita jina duroyachini,+yachanitaj mana pʼenqachisqachu kanayta.
8 Cheqan kasqayta niwajqa qayllaypi kashan.
¿Pitaj juchachawanman?*+
Khuska sayarinachej.*
¿Pitaj imamantapis demandawanman?
Chimpamuchun.
9 Tukuyta Kamachej Señor Jehová Dios yanapawanqa.
¿Pitaj juchayoj kasqayta nenqa?
Tukuyninku ropa jina thantakuspa tukukaponqanku.
Thuta paykunata tukuykonqa.
10 ¿Mayqenniykichejtaj Jehová Diosta manchachikuspa
kamachinpa nisqanta uyarin?+
¿Pitaj manchay laqhapi purin mana ima kʼanchayniyoj?
Jehová Diospa sutinpi atienekuchun, Diosninman atienesqa kachun.
11 “Qankuna ninata japʼichejkuna,nina chispasta phawachejkuna,tukuyniykichej chay ninaykichejpa kʼanchayninpi puriychej,chay nina chispasta japʼichisqaykichej chaupinta puriychej.
Kay castigota noqamanta japʼinkichej:
Sinchʼi nanaywan wijchʼuykachakunkichej.
Sutʼinchaykunasnin
^ Ichá nillanmantaj “kallpachanaypaj”.
^ Chayri “tercoyaporqanichu”.
^ Barba: waj lugarespi ninku chhunka, sunkha.
^ Chayri “¿Pitaj noqawan tinkunman?”.
^ Chayri “Uyanchanakuna”.
