Josué 12:1-24
12 Israelitasqa kay reyesta atiparqanku Jordán mayoj inti llojsimuynin ladopi. Japʼikapusqanku jallpʼastaj karqa Arnón mayumantapacha,*+ Hermón orqokama,+ Arabajpa inti llojsimuynin ladopi tukuynin jallpʼaspiwan.+
2 Atiparqanku chay reyesmanta ujnenqa karqa amorreospa reyninku Sehón.+ Payqa tiyakorqa Hesbonpi, kamacherqataj Arnón mayoj+ kantunpi Aroer llajtamantapacha,+ chantá chay mayoj khuskanninmantapacha, ammonitaspa jallpʼankoj tinkuynin Jaboc mayukama,* Galaad jallpʼaj khuskannintawan.
3 Chantá kamachillarqataj Arabajpa inti llojsimuynin ladota, Kinéret qochakama,*+ chantá Arabá qochakama, nisunman Kachi qochakama.* Inti llojsimuy ladomantaj kamacherqa Bet-Jesimot ladopi kaj jallpʼasta, sur ladomantaj* kamacherqa Pisgá kinraykuna*+ kʼuchukama.
4 Israelitasqa japʼikapullarqankutaj Basanmanta rey Ogpa+ jallpʼasninta. Payqa refaimkunamanta+ puchojkunamanta ujnin karqa, tiyakorqataj Astarotpi, Edreipi ima.
5 Payqa kamacherqa Hermón orqomanta Salecá llajtakama, tukuynin Basán+ jallpʼasta, guesuritaspa jallpʼasninkoj kantusninkama, chantá maacatitaspa+ jallpʼasninkoj kantusninkama. Kamachillarqataj Galaadpa khuskannintawan, Hesbonmanta rey Sehonpa jallpʼasninwan tinkuykama.+
6 Jehová Diospa kamachin Moiseswan israelitaswanqa chay reyesta atipaykorqanku.+ Chaymanta Jehová Diospa kamachin Moisesqa, chay jallpʼasta qoporqa Rubén aylluman,* Gad aylluman, Manasespa khuskan ayllunmanwan.+
7 Josuewan israelitaswanqa kay reyesta atipaykorqanku Jordán mayoj inti yaykuynin ladopi, japʼikaporqankutaj Líbano+ mayupi Baal-Gadmanta,+ Seír+ qayllapi Halac orqokama.+ Josueqa chay jallpʼasninkuta Israel ayllusman qoporqa, sapa aylluman.+
8 Kay jallpʼasta qorqa: orqos chaypi jallpʼasta, Sefelata, Arabata, kinraykunata,* chʼin jallpʼasta, Neguebta+ ima. Chay jallpʼaspeqa tiyakorqanku hititas, amorreos,+ cananeos, perizitas, heveos, jebuseos+ ima. Chay reyestaj kay llajtasmanta karqanku:
9 Jericomanta,+ Betel qayllapi Haimanta,+
10 Jerusalenmanta, Hebronmanta,+
11 Jarmutmanta, Lakismanta,
12 Eglonmanta, Guezermanta,+
13 Debirmanta,+ Guedermanta,
14 Hormamanta, Aradmanta,
15 Libnamanta,+ Adulammanta,
16 Maquedamanta,+ Betelmanta,+
17 Tapuahmanta, Hefermanta,
18 Afecmanta, Lasaronmanta,
19 Madonmanta, Hazormanta,+
20 Simrón-Meronmanta, Acsafmanta,
21 Taanacmanta, Meguidomanta,
22 Quedesmanta, Carmelopi Jocneammanta,+
23 Dor kinraykunapi Dor+ llajtamanta, Guilgal llajtapi Goyimmanta,
24 Tirzamanta ima. Tukuyninpi karqanku 31 reyes.
Sutʼinchaykunasnin
^ Chayri “Arnón wayqʼomantapacha”.
^ Chayri “Jaboc wayqʼokama”.
^ Chay Kachi qochaqa sutikun Wañusqa qocha.
^ Chayri “Pisgá faldas”.
^ Chayri “ura ladomantaj”.
^ Chay Kinéret qochaqa sutikun Genesaret qocha, Galilea qocha.
^ Uj aylloqa uj familiamanta miraj ashkha familias kanku.
^ Chayri “faldasta”.