Josué 13:1-33
13 Josueqa machituña karqa, allin viejituña.+ Jehová Diostaj payta nerqa: “Qanqa machituña kanki, allin viejituña. Chaywanpis jallpʼaqa ashkharaj tiyan japʼikapunaykichejpaj.
2 Chay jallpʼasqa kanku+ filisteospa jallpʼasninku, guesuritaspa+ jallpʼasninku ima.
3 Chay jallpʼasqa kanku Sihormantapacha,* chayqa kashan Egiptoj inti llojsimuynin ladopi,* norte ladopi* Ecrón jallpʼaj kantusninkama, mayqenchus cananeospa jallpʼasninku jina qhawasqa karqa chaykama,+ chantá filisteospa phishqantin kamachejkunasninkoj+ jallpʼasninku: gazeospata, asdoditaspata,+ asquelonitaspata,+ guititaspata,+ ecronitaspata+ ima, sur ladopitaj* avimkunaj+ jallpʼasninku,
4 chantá cananeospa tukuy jallpʼasninku, jinallataj sidoniospa+ jallpʼasninku Mearamantapacha Afeckama, amorreospa jallpʼasninkuwan tinkuykama,
5 chantá guebalitaspa+ jallpʼasninku, Libanoj inti llojsimuynin ladopi tukuynin jallpʼas, Hermón orqo kʼuchupi Baal-Gadmanta Lebó-Hamatkama,*+
6 jinallataj tukuynin orqos Libanomantapacha+ Misrefot-Maimkama,+ chantá sidoniospa+ tukuynin jallpʼasninku. Noqamin chay llajtayojkunata israelitaspa ñaupaqenkumanta wijchʼusaj.+ Qantaj kamachisusqayman jina chay jallpʼasta israelitasman partipunki.+
7 Chay jallpʼastaqa jisqʼon ayllusman,* Manasespa khuskan ayllunmanwan partipunki”,+ nispa.
8 Rubén aylluwan, Gad aylluwan, Manasespa khuskan ayllunwanqa jallpʼasta japʼikorqankuña Jordán mayoj inti llojsimuynin ladopi, mayqentachus Jehová Diospa kamachin Moisés paykunaman qorqa chayta.+
9 Chay jallpʼasqa kanku Arnón mayu+ kantupi Aroermantapacha,+ chay mayupi llajtantin, jinallataj tukuynin Medebá pata pampasmanta Dibonkama,
10 chantá amorreospa reyninku Sehonpa tukuynin llajtasnin, pichus Hesbonpi kamacherqa chaypata, ammonitaspa jallpʼankuwan tinkuykama,+
11 chantá Galaad, guesuritaspa jallpʼasninku, maacatitaspa+ jallpʼasninku, Hermón orqo, tukuynin Basán+ jallpʼas ima, Salecá+ llajtakama,
12 chantá Basanmanta rey Ogpa kamachisqan tukuynin jallpʼas. Payqa kamacherqa Astarotpi, Edreipiwan. Ogqa refaimkunamanta puchojkunamanta ujnin karqa.+ Moisesqa chay jallpʼaspi tiyakojkunata atipaykuspa jallpʼasninkumanta qharqorqa.+
13 Israelitasqa guesuritastawan maacatitastawan mana jallpʼasninkumanta qharqorqankuchu.+ Guesuritaswan maacatitaswanqa kunankama israelitas ukhupi tiyakushanku.
14 Moisesqa Leví ayllumanta kajkunallaman mana ima herenciatapis qorqachu.+ Paykunaj herenciankoqa Israelpa Diosnin Jehovapaj ninapi qʼolachina* ofrendas,+ Dios paykunaman nisqanman jina.+
15 Moisesqa Rubén ayllumanta sapa familiaman herencia jallpʼata partiporqa.
16 Chay jallpʼasninkutaj karqa: Arnón mayu kantupi Aroermantapacha, chay mayupi llajtantin, Medebá chaypi tukuynin pata pampas,
17 Hesbón, chay pata pampaspi tukuynin ranchosninpiwan,+ chantá Dibón, Bamot-Baal, Bet-Baal-Meón,+
18 Jáhaz,+ Quedemot,+ Mefaat,+
19 Quiryataim, Sibmá,+ orqo patapi Zéret-Sáhar, chayqa kashan ura pampas qayllapi,
20 chantá Bet-Peor, Pisgá+ kinraykuna,* Bet-Jesimot,+
21 chay pata pampaspi tukuynin llajtas, jinallataj amorreospa reyninku Sehonpa kamachisqan jallpʼas. Payqa kamacherqa Hesbonpi.+ Moisesqa payta atipaykorqa,+ jinallataj madianitaspa kurajkunasninkutapis: Evita, Requemta, Zurta, Hurta, Rebata ima.+ Chay reyesqa chay jallpʼaspi tiyakorqanku, Sehonpa kamachiyninpitaj karqanku.
22 Beorpa wawan adivino+ Balaampis+ wañuchisqallataj karqa, israelitas espadawan wañuracherqanku chay runaswan khuska.
23 Rubén ayllumanta sapa familiamanqa qosqa karqa llajtasniyoj, ranchosniyoj jallpʼas. Chay jallpʼasninkutaj chayarqa Jordán mayukama.
24 Gad ayllumanta sapa familiamanpis Moisesqa herencia jallpʼata partipullarqataj.
25 Chay jallpʼasninkutaj karqa Jazer,+ Galaadpi kaj tukuynin llajtas, ammonitaspa+ jallpʼasninkoj khuskannin, Rabá+ chimpapi Aroerkama.
26 Jallpʼasninkoqa kallarqataj Hesbonmanta+ Ramat-Mizpekama, chantá Betonim, chantá Mahanaimmanta+ Debirpa linderosninkama.*
27 Ura pampaspitaj jallpʼasninku karqa Bet-Haram, Bet-Nimrá,+ Sucot,+ Zafón ima. Chay jallpʼasqa puchorqa Hesbonmanta+ rey Sehonpa jallpʼasninmanta. Jallpʼasninkoqa karqa Jordán mayoj tukuynin inti llojsimuynin lado, Kinéret qochaj*+ ura kantunkama.
28 Chaymin karqa Gad ayllumanta sapa familiaj herencia jallpʼasninku, llajtasnintin, ranchosnintin ima.
29 Chantá Moisesqa herencia jallpʼata partipullarqataj Manasespa khuskan ayllunmanta sapa familiaman.+
30 Chay jallpʼasninkutaj karqa Mahanaimmantapacha,+ tukuynin Basán jallpʼas, nisunman Basanmanta rey Ogpa kamachiyninpi kaj tukuynin jallpʼas, jinallataj Basanpi Jairpa+ toldosniyoj* ranchosnin, 60 llajtaspiwan.
31 Paykunaj jallpʼasninkoqa kallarqataj Galaadpa khuskannin, Astarot, Edréi+ ima, Basanmanta rey Ogpa kamachiyninpi kaj llajtas. Chay jallpʼas karqa Manasespa wawan Makirpa mirayninpaj,+ Makirpa mirayninmanta khuskanpaj, sapa familiapaj.
32 Chay jallpʼasta Moisesqa herenciankupaj paykunaman qorqa Moab chʼin pampaspi kashajtinku, Jordán mayu chimpapi, Jericoj inti llojsimuynin ladopi.+
33 Leví ayllumantajrí Moisesqa mana ima herenciatapis qorqachu,+ imaraykuchus paykunaj herenciankoqa Israelpa Diosnin Jehovamin, Dios paykunaman nisqanman jina.+
Sutʼinchaykunasnin
^ Hebreo parlaypeqa nin, “Egiptoj chimpanpi”.
^ Chayri “ura ladopitaj”.
^ Chayri “pata ladopi”.
^ Chayri “Nilo mayumanta pʼitikun chay ujnin mayumantapacha”.
^ Chayri “Hamatman yaykunakama”.
^ Uj aylloqa uj familiamanta miraj ashkha familias kanku.
^ Chayri “ruphachina”.
^ Chayri “Pisgá faldas”.
^ Lindero: waj lugarespi ninku linde.
^ Chay Kinéret qochaqa sutikun Genesaret qocha, Galilea qocha.
^ Chayri “carpasniyoj”.
