Josué 16:1-10
16 Josejpa mirayninman sorteopi+ chayarqa* chay jallpʼaspa+ lindenqa* karqa Jericopi Jordanmantapacha, Jericoj inti llojsimuyninpi yakuskama, chantá rerqa Jericomanta Betel orqosman wicharej chʼin jallpʼanta.+
2 Luz llajta qayllapi Betelmanta llojsispataj, arkitaspa lindenku Atarotwan tinkorqa.
3 Chaymantataj uraykorqa inti yaykuy ladoman, jafletitaspa lindenku ladoman, Ura Bet-Horonwan+ tinkuykama, chantá Guezerkama,+ tukukorqataj mar qochapi.
4 Ajinata Josejpa mirayninmanta+ Manasés aylluwan* Efraín aylluwanqa jallpʼasta herenciankupaj japʼikorqanku.+
5 Efrainpa mirayninmanta familiaspa jallpʼasninkoj lindesninkoqa kaykuna karqa: Inti llojsimuy ladopi lindenkoqa karqa Atarot-Addar,+ Pata Bet-Horonkama.+
6 Chaymanta rillarqapuni mar qochakama. Chantá norte ladopi* Micmetatmanta+ qallarispa, lindeqa muyuykamorqa inti llojsimuy ladonta, Taanat-Silokama, chantá Janoahkama.
7 Janoahmantataj uraykorqa Atarotman, Naaraman, chaymantataj chayarqa Jericoman,+ chantá rerqa Jordán mayuman.
8 Tapuahmantataj+ llojserqa inti yaykuy ladoman, Caná mayukama,* chaymantaqa mar qochapi tukukorqa.+ Chaymin karqa Efraín ayllumanta familiaspa herencia jallpʼasninku.
9 Chantapis Efrainpa mirayninpataqa tiyapullarqataj llajtas, ranchos ima, Manasespa+ herencia jallpʼasnin ukhupi.
10 Chaywanpis Efrainpa mirayninmanta kajkunaqa mana wijchʼorqankuchu Guezerpi tiyakoj cananeosta.+ Chayrayku paykunaqa kunankama Efraín ayllu ukhullapipuni tiyakushanku,+ esclavos jina sinchʼita trabajaspa.+
Sutʼinchaykunasnin
^ Chayri “mirayninman chayarqa”.
^ Linde: waj lugarespi ninku lindero.
^ Uj aylloqa uj familiamanta miraj ashkha familias kanku.
^ Chayri “pata ladopi”.
^ Chayri “Caná wayqʼokama”.
