Josué 17:1-18
17 Chaymanta suerteqa*+ chayarqa Josejpa kuraj wawan+ Manasés+ aylluman.* Manasespa kuraj wawanqa Makir karqa, Makirtaj+ Galaadpa tatan karqa. Makirqa sumajta maqanakoj runa karqa, chayrayku ñapis japʼerqaña Galaadtawan Basantawan.+
2 Chay suerteqa chayarqa Manasespa khuskan ayllunmanta familiasman: Abí-Ezerpa+ wawasninman, Helecpa wawasninman, Asrielpa wawasninman, Sichempa* wawasninman, Heferpa wawasninman, Semidaj wawasninman ima. Chaykuna karqanku Josejpa wawan Manasespa mirayninmanta qharis, sapa familiamanta uma kajkuna.+
3 Zelofehadqa+ Heferpa wawan karqa, Hefertaj Galaadpa wawan karqa, Galaadtaj Makirpa wawan karqa, Makirtaj Manasespa wawan karqa. Zelofehadpataqa mana qhari wawasnin tiyaporqachu, warmi wawasnillan tiyaporqa, sutisninkoqa karqa Mahlá, Noá, Hoglá, Milcá, Tirzá ima.
4 Paykunaqa rerqanku sacerdote Eleazarman,+ Nunpa wawan Josueman, kurajkunamanwan. Chaypitaj nerqanku: “Jehová Diosqa Moisesman kamacherqa hermanosniyku ukhupi herencia jallpʼata qonawaykuta”,+ nispa. Chayrayku paykunaqa tatankoj hermanosnin ukhupi herencia jallpʼata japʼerqanku, Jehová Dios kamachisqanman jina.+
5 Manasés aylloqa Galaadta, Basantawan japʼerqa Jordán mayu chimpapi.* Chantá japʼillarqataj waj chunka jallpʼastawan.+
6 Chay jallpʼastawan japʼerqa, imaraykuchus Manasés ayllumanta warmi wawaspis qhari wawaswan khuska herencia jallpʼata japʼillarqankutaj. Galaad jallpʼataj Manasespa khuskan ayllunpaj karqa.
7 Manasespa jallpʼasninpa lindesnenqa* karqa Asermantapacha Sichem+ chimpapi Micmetatkama.+ Chaymantataj sur ladoman* rerqa, En-Tapuahpi tiyakojkunaj jallpʼasninkukama.
8 Tapúah+ jallpʼasqa Manasespata karqa, Tapúah llajtataj Efrainpa mirayninpata karqa. Chay llajtaqa Manasespa lindenwan tinkuypi kasharqa.
9 Chantá lindeqa Caná mayuman* uraykorqa, chay mayoj sur ladonman. Efrainpataqa llajtasnin tiyaporqa Manasespa jallpʼasnin ukhupi.+ Chaymanta Manasespa lindenqa chay mayoj norte ladonta* rerqa, tukukorqataj mar qochapi.+
10 Efrainpa jallpʼasnenqa sur ladopi karqa. Manasespa jallpʼasnintaj norte ladopi karqa. Manasespa lindenqa mar qocha karqa.+ Jallpʼasnintaj norte ladoman Aserpa jallpʼasninwan tinkorqa, inti llojsimuy ladomantaj Isacarpa jallpʼasninwan.
11 Manasesqa llajtasta japʼillarqataj Isacarpa jallpʼasnin ukhupi, jinallataj Aserpa jallpʼasnin ukhupipis. Chay llajtaspi tiyakojkunapis, chay llajtaspa muyuyninpi kaj ranchospis Manasespata karqa. Chay llajtasqa karqanku Bet-Seán, Ibleam,+ Dor,+ En-Dor,+ Taanac,+ Meguidó ima. Pata jallpʼasmantaqa kinsa paypata karqa.
12 Manasespa mirayninmanta kajkunaqa mana chay llajtaspi tiyakojkunata wijchʼuyta aterqankuchu, imaraykuchus cananeosqa mana chay jallpʼasmanta llojsiyta munarqankuchu.+
13 Israelitasqa aswan atiyniyojña kaspa, tukuy chay cananeosta wijchʼunankumantaqa,+ esclavosta jina sinchʼita trabajachiyta qallarerqanku.+
14 Josejpa mirayninmanta kajkunaqa Josueman qayllaykuspa nerqanku: “¿Imajtintaj sorteopi uj cheqallapi jallpʼata qowaykuri?+ Noqaykoqa Jehová Dios bendeciwasqaykurayku ashkha kayku”,+ nispa.
15 Josuetaj kuticherqa: “Sichus ashkha kankichej, Efraín orqostaj+ ancha juchʼuy qankunapaj chayqa, monteman rispa perizitaspa+ jallpʼankupi, refaimkunaj+ jallpʼankupiwan uj cheqata llimphuchakamuychej”, nispa.
16 Josejpa mirayninmanta kajkunataj nerqanku: “Chay orqosqa ancha juchʼuy noqaykupajqa. Chantapis ura pampaspi tiyakoj cananeospataqa tiyapun ruedasninpi fierro josesniyoj maqanakuna carretasninku,*+ Bet-Seanpi,+ muyuyninpi kaj ranchospi tiyakoj cananeospata, jinallataj Jezreel+ ura pampaspi tiyakoj cananeospatapis”, nispa.
17 Josuetaj Josejpa mirayninmanta Efraín aylluman, Manasés ayllumanwan nerqa: “Qankunaqa ashkha kankichej, atiyniyojtaj. Chayrayku jallpʼaqa mana uj cheqallachu tocasonqachej.+
18 Sachʼarara orqospis qankunajta kanqa.+ Chay sachʼastaqa urmachillankichej. Chaymin kanqa jallpʼaykichejpa lindenqa. Cananeostaqa wijchʼunkichej, may atiyniyojpis kachunku, ruedasninpi fierro josesniyoj maqanakuna carretasniyojpis* kachunku”,+ nispa.
Sutʼinchaykunasnin
^ Uj aylloqa uj familiamanta miraj ashkha familias kanku.
^ Mayu chimpapi nispaqa nishan inti llojsimuy ladopi kasqanta.
^ Linde: waj lugarespi ninku lindero.
^ Hebreo parlaypeqa nin, “paña ladoman”.
^ Chayri “pata ladonta”.
^ Chayri “Caná wayqʼoman”.
^ Hebreo parlaypeqa nin, “tiyapun maqanakuna fierro carretasninku”.
^ Hebreo parlaypeqa nin, “maqanakuna fierro carretasniyojpis”.
