Josué 19:1-51
19 Iskay kaj suerteqa*+ Simeonman chayarqa, Simeón ayllumanta*+ familiasman. Paykunaman chayaj jallpʼasqa Judaj jallpʼasninpi karqa.+
2 Herenciankoqa karqa Beer-Seba,+ Sebawan, Moladá,+
3 Hazar-Sual,+ Balá, Ézem,+
4 Eltolad,+ Betul, Hormá,
5 Ziclag,+ Bet-Marcabot, Hazar-Susá,
6 Bet-Lebaot,+ Saruhén ima. Chaykuna karqanku 13 llajtas, ranchosnintin.
7 Chantá kallarqataj Ain, Rimón, Éter, Asán+ ima. Karqanku tawa llajtas, ranchosnintin.
8 Chantá kallarqataj chay llajtaspa muyuyninpi kaj ranchos, Baalat-Beerkama, sur ladopi* Ramakama. Chaymin karqa Simeón ayllumanta familiaspa herencia jallpʼasninkoqa.
9 Simeonpa mirayninmanta kajkunaj herenciankoqa Judaj jallpʼasninpi karqa, imaraykuchus Judaj jallpʼanqa jatun karqa. Chayrayku Simeonpa mirayninmanta kajkunaqa Judaj jallpʼasninpi herenciata japʼerqanku.+
10 Kinsa kaj suertetaj+ chayarqa Zabulonmanta+ miraj familiasman. Lindenkoqa* karqa Saridkama.
11 Chaymanta lindeqa wicharerqa inti yaykuy ladoman, Marealman, chantá rerqa Dabesetman, chaymantataj rerqa Jocneam chimpa mayuman.*
12 Saridmantataj lindeqa rerqa inti llojsimuy ladoman, Kislot-Taborwan tinkuykama, chaymantataj llojserqa Daberatman,+ chantá wicharerqa Jafiaman.
13 Chaymantaqa rillarqapuni inti llojsimuy ladoman, Gat-Heferman,+ Et-Cazinman ima, chaymanta llojserqa Rimonman, chayarqataj Neakama.
14 Norte ladopitaj* lindeqa Hanatonman muyuykamorqa, tukukorqataj Iftá-El wayqʼopi.
15 Jallpʼankupeqa karqa Catat, Nahalal, Simrón,+ Idalá, Belén+ ima. Tukuyninpi karqanku 12 llajtas, ranchosnintin.
16 Chaymin karqa Zabulonmanta miraj familiaspa+ herenciankoqa, llajtasnintin, ranchosnintin.
17 Tawa kaj suerteqa+ chayarqa Isacarman,+ Isacarmanta miraj familiasman.
18 Lindenkoqa karqa Jezreel,+ Kesulot, Sunem,+
19 Hafaraim, Shion, Anaharat,
20 Rabit, Quisión, Ébez,
21 Rémet, En-Ganim,+ En-Hadá, Bet-Pazez ima.
22 Chantá kallarqataj Tabor,+ Sahazuma, Bet-Semes ima, tukukorqataj Jordán mayupi. Tukuyninpi karqanku 16 llajtas, ranchosnintin.
23 Chaymin karqa Isacar ayllumanta familiaspa+ herencianku, llajtasnintin, ranchosnintin.
24 Phishqa kaj suerteqa+ chayarqa Aser+ ayllumanta familiasman.
25 Lindenkoqa karqa: Helcat,+ Halí, Beten, Acsaf,
26 Alamélec, Amad, Misal ima. Inti yaykuy ladomantaj karqa Carmelo,+ Sihor-Libnat ima.
27 Chaymantataj lindeqa kutirimorqa inti llojsimuy ladoman, Bet-Dagonman, chantaqa rerqa Zabulonpa jallpʼasninwan tinkuykama, chantá Iftá-El wayqʼoj norte ladonman, Bet-Emecman, Neielman ima. Chaymantaqa llojserqa Cabulpa lloqʼe ladonman.
28 Chantá rerqa Ebronman, Rehobman, Hamonman, Canaman, Jatun Llajta Sidonkama.+
29 Chaymanta lindeqa kutirimorqa Ramaman, chayarqataj sumaj perqasniyoj Tiro llajtaman.+ Chantaqa kutirerqa Hosaman, tukukorqataj mar qochapi, Aczib cheqapi,
30 Umapi, Afecpi,+ Rehobpi+ ima. Tukuyninpi karqanku 22 llajtas, ranchosnintin.
31 Chaymin karqa Aser ayllumanta familiaspa+ herencianku, llajtasnintin, ranchosnintin.
32 Sojta kaj suerteqa+ chayarqa Neftalijpa mirayninman, Neftalimanta miraj familiasman.
33 Lindesninkoqa karqa Helefmantapacha, Zaananimpi jatun sachʼamantapacha.+ Chaymantaqa rerqa Adamí-Nequebninta, Jabneelninta, chayarqataj Lacumman, chantá tukukorqa Jordán mayupi.
34 Chaymanta lindeqa kutirimorqa inti yaykuy ladoman, Aznot-Taborman, chaymantataj rerqa Hucockama. Sur ladoman lindeqa karqa Zabulonpa jallpʼasninwan tinkuykama, inti yaykuy ladomantaj karqa Aserpa jallpʼasninwan tinkuykama, inti llojsimuy ladomantaj karqa Jordán mayupi Judaj* jallpʼankama.
35 Perqawan muyuykusqa llajtasninkutaj karqa Zidim, Zer, Hammat,+ Racat, Kinéret,
36 Adamá, Ramá, Hazor,+
37 Quedes,+ Edréi, En-Hazor,
38 Yirón, Migdal-El, Horem, Bet-Anat, Bet-Semes+ ima. Tukuyninpi karqanku 19 llajtas, ranchosnintin.
39 Chaymin karqa Neftalí ayllumanta familiaspa+ herencianku, llajtasnintin, ranchosnintin.
40 Qanchis kaj suertetaj+ chayarqa Dan+ ayllumanta familiasman.
41 Lindenkoqa karqa Zorá,+ Estaol, Ir-Semes,
42 Saalabín,+ Ayalón,+ Itlá,
43 Elón, Timná,+ Ecrón,+
44 Eltequé, Guibetón,+ Baalat,
45 Jehúd, Bene-Berac, Gat-Rimón,+
46 Me-Jarcón, Racón ima. Lindeqa Jopej+ chimpanta rerqa.
47 Dan aylloj jallpʼanqa ancha juchʼuy karqa.+ Chaynejta paykunaqa Lésem+ llajtawan maqanakoj wicharerqanku, atipaykuspataj espadawan tukuyninkuta wañuracherqanku. Ajinata chay llajtata japʼikapuspa chaypi tiyakaporqanku, chay llajtamantaj waj sutita churarqanku, ñaupa tatanku Danpa sutinta.+
48 Chaymin karqa Dan ayllumanta familiaspa herenciankoqa, llajtasnintin, ranchosnintin.
49 Ajinata herencia jallpʼasta partinakuyta tukorqanku. Chaymanta israelitasqa Nunpa wawan Josuemanpis jallpʼata qopullarqankutaj paykuna ukhupi.
50 Jehová Dios kamachisqanman jina Josuemanqa Timnat-Sérah+ llajtata qoporqanku, Efraín orqospi, Josué mañakusqanman jina. Paytaj chay llajtata watejmanta sayarichispa chaypi tiyakaporqa.
51 Chay herencia jallpʼastaqa parterqanku sacerdote Eleazar, Nunpa wawan Josué, israelita familiasmanta uma kajkuna+ ima. Chaytaqa parterqanku Silopi+ suerteta choqaspa, Jehová Diospa ñaupaqenpi, Dioswan tinkukuna toldo+ punkupi. Ajinata jallpʼasta partiyta tukorqanku.
Sutʼinchaykunasnin
^ Uj aylloqa uj familiamanta miraj ashkha familias kanku.
^ Chayri “ura ladopi”.
^ Linde: waj lugarespi ninku lindero.
^ Chayri “wayqʼoman”.
^ Chayri “Pata ladopitaj”.
^ Judá nispaqa mana Judá ayllumantachu parlashanman, manachayqa Judá ayllumanta uj runaj familianmanta.