Sofonías 3:1-20
3 Ay mana kasukoj llajtamanta, chay chʼichichasqa, ñakʼarichej llajtamanta.+
2 Ni pejpa nisqanta kasukunchu,+ ni ima kʼamisqatapis japʼikunchu.+
Mana Jehovapi atienekunchu,+ nitaj Diosninman qayllaykunchu.+
3 Kuraj kamachejkunasnenqa chaupinpi qhaparirishaj leones jina kanku.+
Juecesnenqa chʼisillan japʼej atojkuna jina* kanku,ni uj tullullatapis saqenkuchu qʼayantin pʼatanapajqa.
4 Profetasnenqa* machu machus kanku, wasanchaj runas kanku.+
Sacerdotesnenqa* santo kajta chʼichichanku,+leytapis mana valechinkuchu.+
5 Jehová Diosqa paypa chaupinpi cheqan kajta ruwan,+ manataj ima sajratapis ruwanchu.
Sapa paqarin juiciopi nisqasninta rejsichinpuni,+imaynatachus sapa día mana pantaspa sutʼiyamun ajinata.
Sajra runatajrí mana pʼenqakunchu.+
6 “Nacionesta chinkarparicherqani, esquinaspi torresninkoqa chʼinpacha qhepakorqa.
Callesninkuta thuñiykorqani mana pipis chayninta purinanpaj.
Llajtasninkoqa thuñisqa qhepakorqanku, mana runayoj, chaypeqa ni pi tiyakunñachu.+
7 Noqaqa nerqani:
‘Manchachikuwankipunichari, kʼamisusqaytapis japʼikunkipunichari’,+ nispa.
Ajinamanta tiyakusqan lugar ama thuñisqa kananpaj.+
Noqaqa chay imasmanta cuentata mañanay tiyan.
Paykunatajrí astawanrajpuni sajra kajta ruwarqanku.+
8 Jehová Diosqa nin: ‘Chayrayku pacienciawan suyawaychej,+saqueanaypaj sayarikunay pʼunchaykama.
Juiciopi nini nacionesta tantanayta, gobiernosta tantanayta,paykunaman phiñakuyniyta chayachimunaypaj, tukuynin kʼajaj phiñakuyniyta.+
Phiñakuyneyqa nina jina jallpʼantinta ruphaykonqa.+
9 Chantá nacionespa parlayninkuta llimphu parlayman tukuchisaj,tukuyninku Jehovaj sutinta oqharinankupaj,khuskataj payta sirvinankupaj’.*+
10 Etiopía mayusmantapachanoqaman qhaparikojkunaqa, chʼeqerasqasniypa* warmi wawankoqa, regalota apamuwanqanku.+
11 Chay pʼunchayqa mana pʼenqachisqachu kankicontraypi oqharikunaykipaj tukuy imata ruwasqaykimantaqa.+
Chaypacha chaupiykimanta chinkarparichisaj may kasqankuta yuyakojkunata.
Santo orqoypeqa manaña jaykʼajpis jatunchakunkichu.+
12 Chaupiykipeqa saqesaj kʼumuykukoj sonqoyoj, llampʼu sonqoyoj llajtata.+
Paykunataj Jehová Diospa sutinpi pakakonqanku.
13 Israelmanta puchojkunaqa+ mana sajra kajta ruwanqankuchu,+mana llullakonqankuchu, nitaj siminkupi llullakuy kanqachu.
Mikhurikonqanku, puñurikonqanku, nitaj pipis paykunata manchachenqachu”.+
14 Sionpa warmi wawan, kusiywan qhapariy.
Israel, atipasqaykimanta qhapariy.+
Jerusalenpa warmi wawan, kusikuy, tukuy sonqo kusikuy.+
15 Jehová Diosqa contraykipi karqa chay castigosta oqharin.+
Enemigoykita karunchan.+
Israelpa Reynin Jehová Diosqa chaupiykipi kashan.+
Niña ujtawan manchachikunkichu llakiy qhatirisunanta.+
16 Chay pʼunchayqa Jerusalenman nenqanku:
“Sion, ama manchachikuychu,+ama llauchʼiyaychu.
17 Jehová Diosniykeqa chaupiykipi kashan.+
Wapu soldado jina salvasonqa.
Qanmanta kusikonqa, manchayta kusikonqa.+
Munakususqanrayku chʼinlla* kanqa.
Qanmanta kusikonqa, kusiywantaj qhaparenqa.
18 Fiestasniykiman mana jamusqankumanta llakisqa kajkunata tantaykusaj.+
Qanmanta karupi kashajtinku, presos kashajtinku runas paykunata asipayarqanku.+
19 Chaypachaqa ñakʼarichisojkunaj contranpi sayaykusaj,+cojoykachaspa purejkunata salvasaj,+chʼeqerasqa kajkunata tantaykusaj.+
Paykunata jatunchachisaj, rejsisqa runasmantaj tukuchisaj,maypichus pʼenqachisqa karqanku chay tukuynin lugarespi.
20 Chaypacha qankunata kutichimusqaykichej,chaypacha tantaykusqaykichej.
May rejsisqaman tukuchisqayki, jatunchachisqaykitaj+ jallpʼamanta tukuynin llajtaspi,qanmanta presos kajkunata rikushajtiyki kutichimojtiy”, nispa nin Jehová Diosqa.+
Sutʼinchaykunasnin
^ Hebreo parlaypeqa nin, “lobos”. Loboqa atojman rijchʼakun, aswan jatuntaj.
^ Chayri “ujchasqataj payta yupaychanankupaj”.
^ Chʼeqeray: waj lugarespi ninku tʼaqaray.
^ Chayri “sonqo tiyasqa”, “sonqo juntʼasqa”.
