El Cantar de los Cantares 7:1-13
7 Reytaj nerqa: “Kʼacha wawáy,chakisniykeqa jukʼutasniykipi* may kʼachitus kanku.
Caderasniykeqa moldeasqa kʼachanchanas jina kanku,uj yachayniyoj runaj ruwasqan kʼachanchanas jina.
2 Pupuykeqa uj copa jina muyu,chay copapeqa amapuni sumaj preparasqa vino pisichunchu.
Wijsaykipis trigo montón jinalirio tʼikaswan muyurisqa.
3 Ñuñusniykeqa iskay tarukitasman rijchʼakun.
Tarukaj iskay uñitasninman rijchʼakun.+
4 Kunkaykeqa+ marfilmanta ruwasqa torre jina.+
Ñawisniykeqa+ Hesbón+ yaku estanques jinaBat-Rabim punku chaynejpi.
Senqaykeqa Líbano torre jinaDamasco ladoman qhawarisqa torre jina.
5 Umaykeqa may kʼachitupuni Carmelo+ orqo jina.
Chujchaykeqa+ kulli* qʼaytu jina,+wayrawan pujllasqanpis reypa sonqonta suwan.
6 Munasqa sipasitáy, may kʼachitapuni kanki, manchay munana kanki,tukuynin kʼachitu imasmanta nisqaqa qanpuni aswan kʼachita kanki.
7 Sayayniykeqa palmera sachʼaj sayaynin jina,ñuñusniykipis palmeraj poqoynin jina chhullchu chhullchulla.*+
8 Noqa nerqani: ‘Palmera sachʼaman wicharisaj,sumaj poqoyniyoj chhullchusninta uraykuchisaj’, nispa.
Ñuñusniykeqa uva chhullchus jina kachun,samayniykitaj manzanaj qʼapaynin jina kachun.
9 Simiykitaj aswan sumaj vinoman rijchʼakuchun”.
Sipastaj nerqa: “Chay vinoqa munasqaypa tonqoranta lluskʼalla uraykuchun.
Lluskʼalla pasaykurichun munasqaypa siminta joqʼocharispa.
10 Noqaqa munasqaypata kani.+
Payqa noqamanta wañurishan.
11 Jaku munasqetáy,jaku rina puriykacharimuna,alheña plantas chaupipi samarikamuna.+
12 Tutamanta jatariytawan jaku uva huertasman.
Uvasta qhawarimuna ijimushanñachus* manarajchus,*tʼikas phanchashanñachus manarajchus.+
Granadastapis qhawarimuna tʼikapiñachus manarajchus.+
Chaypi munarikusqayki.+
13 Mandrágoras+ poqoysitusqa sumajta qʼaparin.
Punkunchejpi tukuy laya* sumaj frutas tiyapuwanchej.+
Recién pallasqa frutas, jallchʼasqa frutaspis.
Munasqetáy, qanpaj jallchʼaporqayki”, nispa.
Sutʼinchaykunasnin
^ Chayri “abarcasniykipi”.
^ Chayri “morado”.
^ Chhullchu: waj lugarespi ninku racimo.
^ Ijiy: waj lugarespi ninku chʼillchiy, retoñay.
^ Chayri “tʼikashanñachus manarajchus”.
^ Chayri “tukuy rijchʼaj”.
