Deuteronomio 33:1-29
33 Diospa* kamachin Moisesqa manaraj wañupushaspa israelitasta bendicerqa,+
2 kay jinata nispa:
“Jehová Diosqa Sinaimantapacha jamorqa,+Seirmantapacha paykunaman kʼanchamorqa.
Jatun kaynenqa Parán orqosmantapacha lliphipimorqa.+
Paywanqa may chhika ángeles* kasharqanku,+paña makin ladopitaj soldadosnin kasharqanku.+
3 Payqa nacionninta munakun.+
Nacionmanta tukuy tʼaqasqa runasqa, makiykipi kashanku.+
Paykunaqa ñaupaqeykipi tiyasqa kasharqanku,+nisqasniykitataj uyarisharqanku.+
4 (Moisesqa uj leyta qowarqayku, uj kamachiyta.+
Chaytaj Jacobpa mirayninpa* herencian).+
5 Diosqa Jesurunpi*+ rey karqa,maypachachus llajtamanta kamachejkuna tantakorqanku,+Israelmanta tukuy aylluswan* khuska chaypacha.+
6 Rubenqa kausachun, amataj wañuchunchu.+
Ayllunmanta qharisqa ama pisiyachunkuchu”,+ nispa.
7 Chantá Moisesqa Judata+ kay jinata bendicerqa:
“Jehová Diosníy, uyariy ari Judajpa nisqanta,+payta llajtanman kutichimuy.
Payqa makisninwan jarkʼarqa imachus paypata kajta.*
Qantaj yanapariy ari enemigosninwan maqanakushajtin”,+ nispa.
8 Levimantataj+ nerqa:
“Diosníy, Tumimpis Urimpis*+ qanta munakusojpata.+
Paytaqa Masapi pruebaman churarqanki,+Meribá yakus chaypitaj paywan churanakorqanki.+
9 Payqa tatantawan mamantawan nerqa: ‘Mana khuyakuykichejchu’, nispa.
Hermanosnintapis mana rejsejman tukorqa,+wawasnintapis mana valecherqachu.
Payqa nisqaykita kasukorqa,tratoykitapis juntʼarqa.+
10 Pay juiciopi nisqasniykita Jacobman yachachichun,+
Israelmantaj Leyniykita.+
Qanman inciensota jaywasuchun ima munayta qʼaparishajta,+altarniykipitaj uywasta qʼolachichun.*+
11 Jehová Diosníy, bendeciy ari kallpanta,imatachus makisninwan ruwasqantapis tukuy sonqo japʼikuy.
Contranpi oqharikojkunaj piernasninkuta* pʼakiray,payta chejnikojkuna amaña sayarinankupaj”, nispa.
12 Benjaminmantataj+ nerqa:
“Pichus Jehová Diospa munakusqan kajqa, ni imamanta manchachikuspa Benjaminwan* tiyakuchun.
Benjamintaj diantinta payta sumajta jarkʼanqa,*Diospa munakusqan kajqa paypa hombrosninpi tiyakonqa”,* nispa.
13 Josemantataj+ nerqa:
“Jehová Diosqa jallpʼanta bendecichun,+cieloj aswan sumaj imasninwan,chhullawan, jallpʼa ukhumanta llojsimoj yaku juturiswan,+
14 intej kʼanchaynin sumaj imasta poqochisqanwan,sapa killa sumajta poqosqanwan,+
15 jinallataj ñaupa orqospa* sumaj imasninwan,+unay lomaspa sumaj imasninwan,
16 jallpʼaj sumaj imasninwan, chaypi tukuy ima poqosqanwan ima.+
Khishkarara sachʼapi+ rikhurej Diosqa payta allinpaj qhawachun.
Tukuy chay imas jamuchun Josejpa umanman,hermanosnin ukhupi ajllasqa kajpa coronillanman.+
17 Kallpanqa ñaupaj wachasqa toroj kallpan jina,astasnenqa kʼita toroj astasnin jina.
Astasninwan waj llajtasta wajranqa,tukuyninkuta wajranqa jallpʼaj kʼuchusninkama.
Chay astasnenqa Efrainpa chunka waranqa waranqa soldadosnin kanku,+Manasespa waranqa waranqa soldadosnin”, nispa.
18 Zabulonmantataj+ nerqa:
“Zabulón, kusikuy llojsiyta atisqaykirayku.
Isacar, qanpis kusikuy toldo wasisniykipi.*+
19 Paykunaqa llajtasta uj orqoman wajyanqanku.
Chaypitaj cheqan kajta ruwajkunaj ofrendasninkuta jaywanqanku.
Paykunaqa mar qochasmanta valorniyoj ashkha imasta orqhonqanku,*tʼiyu ukhuspi pʼampasqa valorniyoj imastapis”, nispa.
20 Gadmantataj+ nerqa:
“Bendecisqa kachun pichus Gadpa jallpʼasninta jatunyachejqa.+
Gadqa león jina winkuykun,*wateqantaj makita chay rato sikʼinanpaj jina, umatapis chay rato orqhonanpaj jina.
21 Payqa aswan sumajnin kaj jallpʼata ajllakonqa.+
Chaytaqa leyesta qoj paypaj tʼaqapun.+
Llajtamanta kamachejkunaqa tantakonqanku.
Payqa Jehová Diospa sutinpi justiciata ruwanqa,juiciopi nisqasnintataj Israelpi ruwachenqa”, nispa.
22 Danmantataj+ nerqa:
“Danqa uña león jina.+
Basanmantapacha phinkimonqa”,+ nispa.
23 Neftalimantataj+ nerqa:
“Neftaliqa sonqo juntʼasqa kashan allinpaj qhawasqa kasqanwan.
Payqa Jehová Diospa ashkha bendicionesninta japʼin.
Jallpʼanqa inti yaykuy ladopi, sur ladopiwan”,* nispa.
24 Asermantataj+ nerqa:
“Diosqa ashkha wawaswan Aserta bendecin.
Aserqa hermanosnin ukhupi allinpaj qhawasqa kachun,chakisnintataj aceitewan joqʼochakuchun.*
25 Punku trancanasniykeqa fierromanta, cobremantawan kanku.+
Qanqa wañupunaykikama ni imamanta manchachikuspa tiyakunki.*
26 Mana pipis kanchu Jesurunpa+ Diosnin jinaqa.+
Payqa cielonta purin yanapasunanpaj,phuyus patanta jamun jatun kayninwan.+
27 Diosqa unay watasmantapacha pakakunayki.+
Payqa wiñay makisninwan japʼishasunki.+
Enemigosniykita ñaupaqeykimanta wijchʼonqa.+
Nenqataj: ‘Paykunata tukuchiy’,+ nispa.
28 Israelqa mana manchachikuspa tiyakonqa.
Jacobpa miraynenqa* ni ima llakiyniyoj tiyakonqa,maypichus chʼaki mikhuykunawan mosoj vinowan kan chay jallpʼapi.+
Chaypeqa chhulla parapis mana pisenqachu.+
29 Israel, qanqa kusikuyniyoj kanki.+
¿Pitaj qan jinari?+
Qantaqa Jehová Dios salvasunki.+
Paymin jarkʼasoj escudoyki,+sumaj espadaykitaj.
Enemigosniykeqa manchachikuywan qanman kʼumuykukusonqanku,+qantaj paykunaj wasankuta* sarunki”, nispa.
Sutʼinchaykunasnin
^ Chayri “Cheqa Diospa”. Glosariopi cheqa Dios nisqata leeriy.
^ Chayri “waranqa waranqa Diospaj tʼaqasqas”.
^ Hebreo parlaypeqa nin, “congregacionninpa”. Glosariopi congregación nisqata leeriy.
^ Jesurún suteqa niyta munan cheqan runa. Chay sutitaqa oqharikoj israelitas jatunpaj qhawasqa kasqankuta ninapaj.
^ Uj aylloqa uj familiamanta miraj ashkha familias kanku.
^ Chayri “maqanakorqa paypata kajta jarkʼananpaj”.
^ Glosariopi Urim, Tumim nisqata leeriy
^ Chayri “ruphachichun”.
^ Chayri “caderasninkuta”.
^ Ichá nillanmantaj “Dioswan”.
^ Ichá nillanmantaj “Diostaj diantinta Benjaminta sumajta jarkʼanqa”.
^ Ichá nillanmantaj “Benjaminqa Diospa hombrosninpi tiyakonqa”.
^ Ichá nillanmantaj “inti llojsimuy ladopi orqospa”.
^ Chayri “carpa wasisniykipi”.
^ Hebreo parlaypeqa nin, “chʼonqanqanku”.
^ Winkuy: waj lugarespi ninku siriy.
^ Chayri “ura ladopiwan”.
^ Chayri “mayllachun”.
^ Hebreo parlaypeqa nin, “Mashkha unaytachus kausanki, chaykama kallpayoj kanki”.
^ Hebreo parlaypeqa nin, “Jacobpa yaku juturenqa”.
^ Ichá nillanmantaj “pata lugaresninkuta”.
