Esdras 5:1-17
5 Chantá profeta* Ageo,+ Idoj+ allchhin profeta Zacariaspis,+ Judapi, Jerusalenpipis tiyakoj judioswan parlamorqanku Israelpa Diosninpa sutinpi. Diosqa judioswan kasharqa.
2 Chaypacha Sealtielpa wawan Zorobabelwan+ Jehozadacpa wawan Jesuawan,+ Jerusalenpi Diospa wasinta watejmanta ruwaj churakorqanku.+ Diospa profetasnintaj paykunawan kasharqanku paykunata kallpachaspa.+
3 Chaypacha Tatenaiqa, pichus Éufrates mayumanta inti yaykuy ladopi kamachej karqa chay, Setar-Bozenaiwan, compañerosninwan khuska rerqanku llankʼasharqanku chayman, taporqankutaj: “¿Pitaj kamachisorqachej kay wasita ruwanaykichejtari, vigastapis churanaykichejtari?”, nispa.
4 Chantá tapullarqankutaj: “¿Ima sutikunku kaypi llankʼajkuna?”, nispa.
5 Diostaj judiospa kurajkunasninta yanapasharqa,+ chayrayku chay runasqa mana paykunata jarkʼarqankuchu rey Darioman cartata apachinankukama, reytaj chay cartaman kutichimunankama.
6 Rey Darioman chay cartata apacherqanku Éufrates mayumanta inti yaykuy ladopi kamachej Tatenái, Setar-Bozenaiwan, compañerosninwan khuska, nisunman Éufrates mayumanta inti yaykuy ladopi sullkʼa kamachejkunawan. Chay cartaj copianqa kay kashan.
7 Chay cartapi kay jinata willacherqanku:
“Rey Darío:
”Allin kausay qanpaj kachun.
8 Reyman kayta willachimuyku, noqaykoqa Judá provinciaman rerqayku, jatun Diospa wasinman. Rikorqaykutaj chay wasita watejmanta ruwashasqankuta jatuchaj rumiswan. Perqasmanpis maderasta churashanku. Runasqa tukuy sonqo, sinchʼitataj llankʼasqankurayku usqhayllata ruwarqoshanku.
9 Chayrayku paykunaj kurajkunasninkuta taporqayku: ‘¿Pitaj kamachisorqachej kay wasita ruwanaykichejtari, vigastapis churanaykichejtari?’,+ nispa.
10 Sutisninkutapis taporqayku, qhelqaspa qanman willachimunaykupaj, pikunachus chay wasita ruwachishasqankuta.
11 ”Paykunataj kay jinata kutichiwarqayku: ‘Noqaykoqa cielojta, kay jallpʼajtawan Diosninpa kamachisnin kayku. Kay wasita watejmanta ruwashayku, mayqentachus unay watasña Israelpa ujnin sumaj reynin ruwacherqa tukuchachinankama chayta.+
12 Ñaupa tatasniykutajrí cielopi kaj Diosta phiñacherqanku.+ Chayrayku Diosqa Babiloniaj reynin Nabucodonosorpa+ makinman paykunata jaywaykorqa. Chay caldeo reymin kay wasita urmacherqa,+ runastataj presosta Babiloniaman apakaporqa.+
13 Jinapis rey Ciro Babiloniapi ñaupaj kaj watata kamachishajtin, rey Ciroqa kamacherqa Diospa wasinta watejmanta ruwakunanta.+
14 Chantapis rey Ciroqa kamacherqa Babilonia templomanta orqhonankuta chay qorimanta, qolqe metalmantawan copasta, fuentesta, chay waj imastawan, mayqenkunachus Diospa wasinmanta karqa chaykunata. Chay imastaqa Nabucodonosor orqhosqa Jerusalén templomanta, apasqataj Babilonia temploman.+ Chay fuentestaqa jaywarqanku Sesbazar*+ sutiyoj runaman. Paytaqa rey Ciro churarqa kamachej kananpaj.+
15 Ciroqa payta nerqa: “Kay copasta, kay fuentesta, kay waj imastawan Jerusalenpi kashan chay temploman apay. Diospa wasintataj watejmanta ruwamuychej, maypichá unay karqa chayllapitaj”,+ nispa.
16 Sesbazartaj kayman chayamuspa Diospa wasinpaj cimientosta churarqa,+ mayqenchus Jerusalenpi kashan chay wasipaj. Chaymantapacha kay wasi ruwakushan, nitaj tukuchakunrajchu’,+ nispa.
17 ”Chayrayku sichus reyman allillan rijchʼan chayqa, munaykuman qhawaykurinankuta documentosta, mayqenkunachus Babiloniapi jallchʼasqa kashan reyespa valorniyoj imasninkuwan khuska chayta, yachakunanpaj Jerusalenpi Diospa wasin+ watejmanta ruwakunanta rey Ciropunichus kamachisqanta manachus chayta. Chantapis mañakullaykutaj willachimunawaykuta imatachus rey nisqanta”, nispa.
Sutʼinchaykunasnin
^ Sesbazarqa ichapis Zorobabel karqa. Zorobabelmantaqa Esdras 2:2; 3:8 ima parlashan.
