Habacuc 1:1-17
1 Kay willaytaqa profeta* Habacuc* mosqoypi jina japʼerqa:
2 Jehová Diosníy, ¿maykʼajkamataj yanapata mañakuspa qhaparikamusqaykiri? ¿Maykʼajtaj uyariwankiri?+
¿Maykʼajkamataj mañakusqayki sajra kajmanta libranawaykitari? ¿Maykʼajtaj imallatapis ruwankiri?*+
3 ¿Imaraykutaj rikuchiwanki chay chhika sajra imastari?
¿Imaraykutaj runasta ñakʼarichisqankuta qhawakullankiri?
¿Imajtín rikuchiwanki saqueosta, sajra ruwaykunatapis?
¿Imajtín chay chhika maqanakuykunas tiyan, chʼajwaspis?
4 Chayrayku leyqa manaña atiyniyojchu,nitaj justicia ruwakunchu.
Sajra runasqa cheqan runasta muyuykunku,chayrayku mana justicia kanchu.+
5 “Nacionesta qhawariychej, imachus pasananta qhawariychej.
Tʼukuspa qhawaychej simi kichalla.
Tiempoykichejpeqa imachá pasanqa,chaytaqa mana creeyta atillankichejchu willashasojtiykichejpis.+
6 Noqaqa caldeosta sayaykuchisaj,+mana khuyarej, chay rato imatapis ruwarparej nacionta.
Paykunaqa jatuchaj jallpʼasta japʼikapunku,waj runaspa wasisninkuta dueñochakunankupaj.+
7 Paykunaqa mancharina kanku, tukuyta manchachinku.
Paykunalla leyta churakunku, atiynillankuta valechinku.+
8 Caballosninkoqa chʼejchi leonesmantapis* aswan usqhayta correnku,chʼisin jamoj atojkunamantapis* aswan phiñas kanku.+
Maqanakuna caballosninkoqa manchayta correrimunku,caballosninkoqa karumantapacha jamurishanku.
Imaynatachus aguilaqa japʼinan animalman phawaykun, ajinata phawaykunku.+
9 Tukuyninku maqanaku yuyaylla jamurinku.+
Ujchaykukuspaqa inti llojsimuy ladomanta wayra jina kanku,+may chhika presosta japʼikapunku tʼiyuta jinapuni.
10 Reyesta asipayanku,kuraj autoridadesmantapis asikunku.+
Tukuynin jarkʼachasqa llajtasmanta asikunku,+jallpʼa lomaswan muyuykuchispa chay llajtasta japʼikapunku.
11 Paykunaqa wayra jina correrinku, nación chaupita pasarinku.
Jinapis juchayoj kanqanku+diosninkoj atiyninwan atipasqankuta nisqankurayku”.*+
12 Jehová Diosníy, ¿manachu wiñaymantapachaña karqanki?+
Diosníy, Santo Diosníy, qanqa mana wañunkichu.*+
Jehová Diosníy, qan paykunata churarqanki juicioykita chayachimunaykipaj.
Pakakuna Chhankáy,+ qan paykunata ajllarqanki castigota* chayachimunaykipaj.+
13 Ñawisniykeqa manchay llimphus kanku mana allin kajta qhawanallaykipajqa.
Sajra kajtaqa mana qhawakullawajchu.+
¿Imajtín chanta chay wasanchaj runasta qhawakullankiri?+
¿Imajtín chʼinlla kanki sajra runa paymanta aswan cheqan runata oqoykakapojtinri?+
14 ¿Imajtín qhawallanki runasqa mar qochamanta pescados jinalla kanankutari,ni pej kamachisqan qhatatakoj animales jinalla kanankutari?
15 Payqa* tukuyninkuta uj anzuelowan japʼin.
Pescado japʼina chʼipanpi* paykunata japʼin,pescado japʼina chʼipanpi paykunata orqhon.
Chayrayku manchayta kusirikun.+
16 Chayrayku pescado japʼina chʼipanman jaywanasta jaywan,pescado japʼina chʼipanpaj jaywanasta qʼolachipun.*
Chay chʼipanrayku tukuy iman tiyapun,mikhunasninpis miskʼi.
17 ¿Pescado japʼina chʼipanmanta japʼisqanta orqhollanqapunichu?
¿Nacionestaqa mana khuyarispa wañurachillanqapunichu?+
Sutʼinchaykunasnin
^ Habacuc suteqa ichá niyta munan abrazaykuy.
^ Chayri “salvawankiri”.
^ Chayri “leopardosmantapis”.
^ Hebreo parlaypeqa nin, “lobosmantapis”. Loboqa atojman rijchʼakun, aswan jatuntaj.
^ Ichá nillanmantaj “diosninkoqa atiyninku kasqanrayku”.
^ Chayri “kʼamiyta”.
^ Ichá nillanmantaj “noqaykoqa mana wañusqaykuchu”.
^ Payqa nispaqa caldeo enemigosmanta parlashan.
^ Chayri “mallanpi”.
^ Chayri “ruphachipun”.
