Habacuc 3:1-19
3 Kayqa profeta Habacucpa mañakuynin, llakiywan takisqasnin:
2 Jehová Diosníy, qanmanta parlasqankuta uyarini.
Jehová Diosníy, ruwasqasniykimanta mayta tʼukuni.
Watas pasasqanman jina* chaykunata watejmanta ruway.
Watas pasasqanman jina* chaykunata rejsichiy.
Musphaykachay kashajtin* yuyarikuwayku, khuyakuwaykutaj.+
3 Diosqa Temanmantapacha jamorqa,Santo Diosqa Parán orqomantapacha jamorqa.+ (Sélah).*
Jatun kaynenqa cielota pʼampaykorqa,+jallpʼataj jatunchasqa kasqanwan juntʼaykorqa.
4 Lliphipisqanqa kʼanchay jina karqa.+
Makinmantaqa iskay rayos llojsimorqa,kallpan kasharqa chaymanta.
5 Ñaupaqentaqa onqoykuna jamusharqanku,+sinchʼi calentura onqoykunataj qhepanta jamusharqanku.
6 Payqa sayaspa jallpʼata kharkaticherqa.+
Ujta qhawarispalla nacionesta mayta mancharicherqa.+
Mana tukukuyniyoj orqosqa phirisqa karqanku,unayniyoj lomaspis pampacharpakorqanku.+
Ñaupa tiempo ñankunaqa paypata kanku.
7 Cusán toldo wasispeqa* llakiy karqa.
Madián jallpʼaj toldo wasisninpa qhatanasnenqa kharkatirerqanku.+
8 ¿Mayuspa contranpichu Jehová Diosníy,mayuspa contranpichu kʼajajta phiñakushanki?
¿Mar qochapajchu phiñasqa kashanki?+
Caballosniykiman montaykorqanki,+carretasniykitaj maqanakupi atiparqanku.*+
9 Flechana arcoykita* orqhomuspa wakichinkiña.
Kʼaspisqa* juramentota ruwaspa ruwanankuta japʼinku. (Sélah).
Qan jallpʼataqa mayuswan tʼaqarqanki.
10 Orqosqa rikususpa nanaywan qʼewiykachakorqanku.+
Sinchʼi paraqa jallpʼata mayllaykorqa.
Ukhu yakusqa sinchʼita sonarerqanku.+
Makisninkuta pataman oqharerqanku.
11 Intipis killapis pata wasinkupi qhepakorqanku.+
Flechasniykeqa kʼanchay jina llojsimorqanku.+
Tʼojsina lanzaykeqa lliuj lliuj jina lliphipirerqa.
12 Phiñakuyniykipi jallpʼaj chaupinta pasarqanki.
Rabiaykipi nacionesta sarurarqanki.
13 Llajtaykita salvaj llojsimorqanki, ajllakusqaykita salvaj.
Sajra runaj wasinmanta cabecillata sarorqanki.
Techonmantapacha cimientosninkama thuñiykorqanki. (Sélah).
14 Maqanakuna armasnillankuwantaj* soldadosninpa umasninkuta pasarpacherqanki,loco para jina contrayta jamuykushajtinku.
Paykunaqa ñakʼarejta pakayllapi mayta oqoykuyta munasharqanku.
15 Caballosniykiwan mar qochanta pasarqanki,chay chhikan qhollchoqeyaj yakusninta pasarqanki.
16 Willayta uyarispa ukhuy ras niwarqa.
Uyarishaspa simiy kharkatiterqa.
Tullusniy ismuyta qallarerqa,+chakisniy kharkaterqanku.
Jinapis llakiy pʼunchaytaqa pacienciawan suyakushani.+
Chay pʼunchayqa noqanchejwan maqanakojkunaj contrankupi jamushan.
17 Higo sachʼa mana tʼikajtinpis,uva sachʼas mana poqojtinpis,aceitunas mana poqojtinpis,chajras mana poqojtinpis,kanchasmanta* ovejas chinkapojtinpis,waka kanchaspi manaña wakas kajtinpis,
18 noqaqa Jehová Diosrayku manchay kusisqa kasaj,salvawajniy Diosrayku kusisqa kasaj.+
19 Tukuyta Kamachej Señor Jehová Diosmin kallpayqa.+
Diosqa chakisniyta ligerosman tukuchenqa tarukaj chakisninta jina,alto lugaresnintataj purichiwanqa.+
Sutʼinchaykunasnin
^ Chayri “Pawichikuy kashajtin”.
^ Ichá nillanmantaj “Kay tiempoykupi”.
^ Ichá nillanmantaj “Kay tiempoykupi”.
^ Chayri “carpa wasispeqa”.
^ Chayri “salvarqanku”.
^ Flechana arco: waj lugarespi ninku camba flecha.
^ Ichá nillanmantaj “Flechasqa”.
^ Hebreo parlaypeqa nin, “Varasnillankuwantaj”.
^ Chayri “corralesmanta”.
