Job 35:1-16
35 Elihuqa nillarqapuni:
2 “¿Qanqa cheqan runa kasqaykita yuyaspachu nishanki:
‘Noqaqa Diosmanta aswan cheqan kani’, nispaqa?+
3 Qanqa nishanki: ‘¿Ima ruwanayki tiyan?*
¿Ima allintataj tarisqani mana juchallikuspari?’,+ nispa.
4 Noqa chay nisqaykiman kutichisqayki,qanwan kashanku chay amigosniykimanpis+ kutichisaj.
5 Cielota qhawariy.
Qhawariy, phuyusqa+ qanmanta aswan patapi kashanku.
6 Sichus juchallikunki chayqa, Diostaqa mana imanankichu.+
Manañapuni Diosta kasunkichu chayqa, paytaqa mana imanankichu.+
7 Mana juchallikuspaqa, ¿Diosta yanapani nishankichu?
¿Maykʼajllapis Diosqa yanapaway nisorqachu?+
8 Sajra kaspaqa runallata ñakʼarichiwaj,cheqan kaspapis runallata yanapawaj.
9 Runasqa sinchʼita ñakʼarishaspa qhaparikunku,atiyniyojkuna amaña ñakʼarichinankupaj.+
10 Nitaj pipis ninchu: ‘¿Maypitaj kashan noqata Ruwawaj Jatun Diosniyri?+
¿Maypitaj kashan chʼisisnin runaswan alabanzasta takichej Diosniyri?’,+ nispa.
11 Diosqa runasta astawan yachachiwanchej,+ animalestataj pisillata yachachin.+
Diosqa aswan yuyayniyojta ruwawanchej pʼisqosmanta nisqaqa.
12 Runasqa qhaparikunku, Diostaj mana uyarimunchu+sajra runas jatunchakusqankurayku.+
13 Diosqa nipuni uyarinmanchu mana tukuy sonqo mañakojtinkoqa.+
Tukuy Atiyniyoj Diosqa mana chay jina mañakusqankutaqa uyarinchu.
14 Diosqa mana yanapawanchu nispa thutojtiykeqa, astawanrajchá payqa mana uyarisonqachu.+
Quejaykeqa Diospa makinpiña, qanqa suyarikullay.+
15 Diosqa mana phiñakuspachu cuentata mañasunki,nitaj mana kajta parlasqaykitapis cuentaman churanchu.+
16 Jobqa qhasillata siminta jatunta kichashan,mana yuyaycharikuspalla anchata parlashan”,+ nispa.
Sutʼinchaykunasnin
^ ¿Ima ruwanayki tiyan? nispaqa ichapis Diosta nisharqa.
