Miqueas 3:1-12
3 Noqaqa nerqani: “Jacobta kamachejkuna, ama jina kaspa uyariwaychej,qankunapis Israel nacionpa comandantesnin.+
¿Manachu imachus cheqan kasqanta yachanaykichej karqa?
2 Jinapis qankunaqa allin kajta chejnikunkichej,+ sajra kajtataj munakunkichej.+
Llajtaypa aycha qaranta chʼuskinkichej,* tullusninkumantapis aychasninkuta mitharankichej.*+
3 Llajtaypa aychantapis mikhukapunkichej,+aycha qaranta chʼuskinkichej.
Tullusninkuta pʼakirankichej, tʼunarankichej.+
Mankapi* tʼimpusqa tullusta jina, mankapi chayasqa aychata jina.
4 Chaypacha paykunaqa qhaparikuspa Jehová Diosmanta yanapata mañakonqanku,paytaj mana uyarenqachu.
Chaypacha uyanta paykunamanta pakaykonqa+sajra imasta ruwasqankurayku.+
5 Jehová Diosqa kay jinata nin llajtayta pantachej profetaspa contrankupi.+
Paykunaqa kirusninkuwan khamunankupaj imallankupis kajtin* ‘allin kausay kan’+ nispa qhaparinku.+
Mikhunankupaj ni imata jaywajkunatataj maqaj sayaykunku.
6 ‘Qankunaqa tutapis kanman jina laqhapi kankichej,+ nitaj imatapis mosqoypi jina rikunkichejchu.+
Qankunapajqa laqhalla kanqa, manaña adivinacionta ruwankichejchu.
Profetaspajqa inti yaykuponqa,paykunapajqa pʼunchaypis laqhayaponqa.+
7 Mosqoypi jina rikojkunaqa pʼenqaypi rikhurenqanku,+adivinospis sonqo pʼakisqas kanqanku.
Diosqa paykunaman ni imata kutichimonqachu.
Chayrayku tukuyninku siminkuta* tapaykukonqanku’”.
8 Noqatajrí, Jehová Diospa espiritunta japʼisqayrayku atiywan juntʼasqa kashani,jinallataj justiciawan kallpawanpis.
Ajinamanta Jacobman juchayoj kasqanta uyanpi nipunaypaj, Israelmanpis juchallikusqanta uyanpi nipunaypaj.
9 Jacobpa mirayninta kamachejkuna, ama jina kaspa kayta uyariwaychej,qankunapis Israel nacionpi comandantes.+
Qankunaqa justiciata chejnikunkichej, tukuy ima cheqan kajtapis qʼewinkichej,+
10 Siontaqa runata wañuchisqaykichejwan sayarichinkichej, Jerusalentapis mana cheqan kajta ruwasqaykichejwan.+
11 Kamachejkunasnenqa pagachikusparaj juzganku,+sacerdotesnenqa pagorayku yachachinku,+profetasninpis qolqerayku* adivinanku.+
Chayta ruwashaspapis Jehová Diospiraj atienekunku,* nishankutaj:
“Jehová Diosqa noqaykuwan kashan,+mana ima llakiypis qhatiriwasqaykuchu”,+ nispa.
12 JuchaykichejraykuSionqa tarpuna jallpʼa jina llankʼarparisqa kanqa.
Jerusalenqa rumi montonesllaña kanqa.+
Templo* kashan chay orqopis sachʼarara loma jinallaña kanqa.+
Sutʼinchaykunasnin
^ Chayri “lluchʼunkichej”.
^ Mithay: waj lugarespi ninku wikhay, tʼisay.
^ Chayri “Jatun simiyoj mankapi”.
^ Ichá nillanmantaj “khamushajtinku”.
^ Chayri “barbankuta”.
^ Chayri “qolqe metalrayku”.
^ Chayri “ninkuraj Jehová Diospi atienekushasqankuta”.
^ Hebreo parlaypeqa nin, “Wasi”.
