Salmos 148:1-14
148 Jehová* Diosta jatunchaychej.*
Cielomantapacha Jehová Diosta jatunchaychej.+
Pataspi payta jatunchaychej.
2 Tukuynin angelesnin, payta jatunchaychej.+
Tukuynin ejercitosnin, payta jatunchaychej.+
3 Qankuna inti, killa, payta jatunchaychej.
Tukuynin lliphipirej chʼaskas, payta jatunchaychej.+
4 Aswan patapi kaj cielos, payta jatunchaychej.
Cielopi kaj para phuyus, payta jatunchaychej.
5 Chay tukuy imasqa Jehová Diospa sutinta jatunchachunku.
Dios kamacherqa, chay imastaj ruwasqa karqanku.+
6 Diosqa chay imasta allinta sayachishan wiñaypaj wiñaynintinpaj.+
Payqa uj leyta orqhon, chaytaj mana chinkaponqachu.+
7 Jallpʼamantapacha Jehová Diosta jatunchaychej,qankuna mar qochapi kaj jatuchaj animales, jinallataj ukhu ukhu yakuspis.
8 Qankuna rayos, granizos, ritʼi, yana phuyus,qanpis parata apamoj wayra, qanmin nisqanta juntʼanki, tukuyniykichej Diosta jatunchaychej.+
9 Qankuna orqos, tukuynin lomaspis,+qankuna poqoj sachʼas, tukuynin cedro sachʼaspis Diosta jatunchaychej.+
10 Qankuna monte animales,+ tukuynin uywaspis,qankuna qhatatakoj animales, qankuna pʼisqospis Diosta jatunchaychej.
11 Qankuna jallpʼamanta reyes, tukuynin nacionespis,qankuna kuraj kamachejkuna, jallpʼamanta tukuynin juecespis Diosta jatunchaychej.+
12 Qankuna waynuchus, qankuna sipaskuna,qankuna viejitos, jinallataj jóvenes Diosta khuska jatunchaychej.
13 Tukuyninku Jehová Diospa sutinta jatunchachunku,paypa sutillan may jatun.+
Paymin jallpʼatawan cielotawan gobernashan.+
14 Paymin kamachisninta aswan kallpayojman tukuchenqa,payta kasukojkunata allinpaj qhawachinanpaj,Israelpa wawasninta allinpaj qhawachinanpaj, chay kamachisnenqa payman kʼaskasqa kashanku.
Jehová* Diosta jatunchaychej.*
Sutʼinchaykunasnin
^ Hebreo parlaypeqa nin, “Jah”. Jah suteqa pisi letrasllapi Jehová niyta munan.
^ Chayri “Aleluya”.
^ Hebreo parlaypeqa nin, “Jah”. Jah suteqa pisi letrasllapi Jehová niyta munan.
^ Chayri “Aleluya”.
