Salmos 63:1-11
Davidpa takiynin, Judaj chʼin jallpʼasninpi kashajtin.+
63 Diosníy, qanmin Diosniy kanki. Qanta maskʼashayki.+
Yakumanta jina qanmanta chʼakisqa kashani.+
Qanmanta chʼakisqa kasqayrayku desmayapushaniña.
Wañushaniña kay tʼajra pampapi, kay mana yakuyoj chʼaki jallpʼapi.+
2 Ajinata qanmanta wañurej kani santo lugarniykipeqa,kallpaykita, jatun kayniykitawan rikuspa.+
3 Munakuyniykeqa kausaymantapis aswan sumaj,+chayrayku jatunchasqayki Diosníy.+
4 Tukuy kausayniypi jatunchasqayki.
Sutiykita oqharispa qanmanta mañakusaj.
5 Sonqo juntʼasqa kani aswan allinninta, aswan sumajninta japʼisqaymanta.
Chayrayku jatun kusiywan takirispa yupaychasqayki.+
6 Camaypi sirisqa* kashaspa qanmanta yuyarikuni,
tutasnin qanpi tʼukurini.+
7 Qanmin yanapawayta yachanki.+
Lijrasniyki* urapeqa kusisqa takirikuni.+
8 Qanman kʼaskasqa kani.
Qanmin paña makiykiwan sumajta japʼiwanki.+
9 Wañuchiwayta munajkunatajrí,wañuyman chayanqanku.
10 Espadawan wañuchisqa kanqanku.
Ayasninkutaqa* atojkuna mikhukaponqanku.
11 Reytajrí imastachus Dios paypaj ruwapunanmanta kusikonqa.
Diospa sutinpi jurajkunaqa kusikonqanku.
Llulleriosta parlajkunarí chʼinyachisqas kanqanku.
Sutʼinchaykunasnin
^ Siriy: waj lugarespi ninku winkuy.
^ Lijra: waj lugarespi ninku ala.
^ Chayri “Cuerposninkutaqa”.
