Salmos 81:1-16
Takichejpaj. Guititman jina* takinapaj. Asafpa+ takiynin.
81 Kusiywan qhaparispa Diosta yupaychaychej, paymin kallpanchejqa.+
Kusisqa takiripuychej, Jacobpa Diosninta yupaychaychej.
2 Tocayta qallariychej, panderetatapis* oqharikuychej.
Sumaj afinasqa arpata tocariychej cuerdasniyoj tocanastawan khuska.
3 Putututa waqachiychej killa rikhuriy* kashajtin,+killa juntʼa* kashajtin, fiestanchej pʼunchaypi.+
4 Dios chay leytaqa Israelman qorqa.
Jacobpa Diosnin chaytaqa kamacherqa.+
5 Diosmin chaytaqa kamacherqa Egiptoj contranta sayarishajtin,+Diosmin chaytaqa Joseman kamacherqa yuyarikunanpaj.+
Uj parlayta uyarerqani, nitaj reparayta aterqanichu pichus parlamushasqanta.*
6 Kay jinata uyarerqani: “Israelpa hombronmanta llasa qʼepita oqharerqani.+
Canastatapis makinmanta qhechorqani.
7 Qanmin llakiypi kashaspa qhaparikamorqanki, noqataj kacharicherqayki.+
Yana phuyumantapacha kutichimorqayki.+
Meribá* yakuspi pruebaman churarqayki.+ (Sélah).*
8 Nacionníy, yuyaychasqayta uyariway.
Israel, uyarillaway ari,+
9 chaywanqa mana waj dioskuna chaupiykipi kanqachu,
nitaj waj dioskunaman kʼumuykukunkichu.+
10 Noqamin Jehová Diosniyki kani.
Noqamin Egiptomanta orqhomorqayki.+
Simiykita allinta kichariy, sajsanata mikhuchisqayki.+
11 Jinapis nacionneyqa nisqayta mana uyarerqachu.
Israelqa mana kasuwarqachu.+
12 Chayrayku qhawallarqani chay mana uyarikoj sonqonkuta kasunankuta.
Paykunaqa imachus paykunaman allin rijchʼarqa chayta ruwarqanku.+
13 Kay nacionnillaypis kasuwanman.+
Israelqa ñannillaypipis purinman.+
14 Noqaqa chay rato paykunaj enemigosninkuta sarurayman.
Contrankupi kajkunataqa castigayman.+
15 Jehová Diosta chejnikojkunaqa paypa ñaupaqenpi manchariywan kharkatitenqanku,wiñaypajtaj chinkachisqa kanqanku.
16 Diosqa nacionninta sumaj trigowan uywanqa.+
Chhankamanta orqhosqa abeja miskʼiwan sajsachenqa”.+
Sutʼinchaykunasnin
^ Chayri “tamborcitotapis”.
^ Killa juntʼa: waj lugarespi ninku lleno, pura.
^ Killa rikhuriy: waj lugarespi ninku mosoj killa.
^ Chayri “nitaj entiendeyta aterqanichu imatachus parlamusqanta”.
^ Meribá suteqa niyta munan siminakuy.
