¿IMARAYKUTAJ RUWANANCHEJPUNI TIYAN? Bibliata estudiachinapaj publicacionesninchejpeqa, jw.org nisqamanta parlakunpuni. Iskaytaj chaypajpuni wakichikun: jw.org nisqapaj tarjetita, ¿Maypitaj sumaj yachachiykunata tariwaj? tratado ima. Jw.org nisqanejtaqa, runasman publicacionesta apachisunman. Paykunataj celularpi qhawankuman chayri ñitʼispa chay publicacionta tarinkuman. Chaytaj waj parlayniyoj runasman predicanapaj yanapawasunman. Wakin kuti, runas tapuwajtinchej mana kutichiyta atinchejchu. Jw.org nisqaqa mayta yanapawasunman. Chayrayku sumajta rejsina tiyan.

¿IMAYNATÁ RUWASUNMAN?

• “BIBLIAJ YACHACHIYKUNASNIN” nisqawan yanapachikuna. Uj tata wawasninta sumajta uywananpaj yuyaychayta mañakuwajtinchej, jw.org nisqapi BIBLIAJ YACHACHIYKUNASNIN > CASARASQASPAJ FAMILIASPAJWAN nisqaman yaykuna.

• “PUBLICACIONES” nisqawan yanapachikuna. Escuelapi compañeronchejman, Jovenesqa kay 10 tapuykunata ruwakunku folletota rikuchiyta munanchej chayqa, jw.org nisqapi PUBLICACIONES > LIBROS, FOLLETOS nisqaman yaykuna.

• “NOQAYKUMANTA” nisqawan yanapachikuna. Trabajomanta compañeronchejman imapichus creesqanchejta willariyta munanchej chayqa, jw.org nisqapi NOQAYKUMANTA > ¿IMATÁ TAPUKUNKU JEHOVAJ TESTIGOSNINMANTA? nisqaman yaykuna.

JW.ORG NISQATA SUMAJTA REJSINA NISQA VIDEOTA QHAWAYTAWAN, PIENSARIY IMAYNATACHUS JW.ORG NISQAWAN YANAPACHIKUNAYKITA:

• Problemasniyoj qhariwarmista yanapanapaj.

• Llakiypi kajkunata sonqochanapaj.

• Unayña mana willaj hermanota yanaparinapaj.

• Ima qolqewanchus Diosmanta willasqanchejmanta parlarinapaj.

• Waj suyumanta runa, suyunman kutipuspa tantakuykunasninchejman rinanpaj.