Apóstol Pabloqa Titoman cartanta qhelqasqanpi nerqa jovenespis, Titopis kallpachakuyta atisqankuta tukuy imapi allin kajta ruwanankupaj (Tit 2:6, 7). Chantá nillarqataj Diospa llajtan llimphuchasqa kananta, ajinamanta kamachisnin tukuy sonqo allin kajta ruwanankupaj (Tit 2:14). Chay allin kaj ruwaymanta ujnenqa, Diospa Gobiernonmanta runasman willay, yachachiy ima. Joven kashaspaqa kallpayoj kanchej. Chayrayku precursor auxiliar chayri regular kayta atisunman (Pr 20:29).

Precursor kayta munanki chayqa, sumajta tanteariy imatachus ruwanaykita (Lu 14:28-30). Ichá piensariwaj precursorña kaspa gastitosniykipaj imapichus trabajanaykita. Piensarillawajtaj imaynatachus horasniykita juntʼanaykita. Chaytataj Jehová Diosman willariwaj (Sl 37:5). Parlarillawajtaj tatasniykiwan, experienciayoj precursoreswan ima. Chantá precursor kayta qallariypacha. Jehová Diosqa payta sirvinaykipaj kallpachakusqaykimanta mayta bendecisonqa.

JEHOVÁ DIOSTA JATUNCHAJ JÓVENES NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Ima chʼampaykunatataj wakin hermanos atiparqanku precursores kanankupaj?

• ¿Imaynasmantataj tatas wawasninkuta yanapankuman precursores kanankupaj?

• ¿Imajtintaj allin kanman predicanankupaj uj horariota ruwakunanku?

• ¿Imaynasmantataj hermanos, precursoresta yanapankuman, kallpachankumantaj?

• ¿Ima bendicionestataj precursores japʼinku?