Jehová Diosta sirvinapaj tukuy atisqanchejta kallpachakusqanchejqa mana qhasichu. Uj kʼacha tataqa yuyarikullanpuni wawasnin imastachus ruwasqankumanta. Ajinallatataj Jehová Diospis mana qonqapunchu ruwasqasninchejta, sutinta munakusqanchejtapis (Mt 6:20; Heb 6:10). Mana tukuychu kikin imasta ruwayta atinchej, nitaj kikin kausayniyojchu kanchej. Chaywanpis, tukuy atisqanchejta Jehová Diosta sirvinapaj kallpachakusun chayqa, kusisqa kasunchej (Gál 6:4; Col 3:23). Watas pasasqanman jina may chhika hermanos Betelpi sirverqanku. Qanpis Betelpi sirviyta atiwaj. Mana atispataj ichá wajkunata kallpachariwaj Betelman sirvej rinankupaj. Familiaykimanta pillapis Betelpi sirvishanña chaytaj, kallpachallawajpuni chaypi Jehová Diosta sirvinanpaj.

¿IMATATAJ RUWAWAJ BETELPI YANAPAKUNAYKIPAJ? NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaraykutaj Betelman sirvej riyta munanchej?

• ¿Ima bendicionestataj Betelpi trabajaj hermanos japʼisqanku?

• ¿Ima requisitostataj juntʼana tiyan Betelman sirvej rinapaj?

• ¿Imatataj ruwanayki tiyan Betelman sirvej rinaykipaj?