¿IMARAYKUTAJ RUWANANCHEJPUNI TIYAN? Runasqa Jehovaj kamachiykunasninta yachananku tiyan. Jehová yupaychasqankuta allinpaj qhawananpajtaj chaykunata juntʼananku tiyan (Isa 2:3, 4). Kay ‘Diospa munakuynin’ libroqa runasta yanapan imaynatachus Bibliaj yuyaychaykunasnin, kausayninkupi yanapasqanta reparanankupaj. Chay librotaqa Yachachin librota tukuytawan estudianchej (Heb 5:14). Bibliamanta yachakojpa sonqonman chayanapajqa, kallpachakunanchej tiyan, ajinamanta kausayninkuta cambiashaspa sonqomantapacha ruwanankupaj (Ro 6:17).

¿IMAYNATÁ RUWASUNMAN?

• Sumajta wakichikuna. Bibliamanta yachakoj imastachus necesitasqanta reparana. Estudiashasqanchejmanta tapurina, jinamanta yachasun imatachus yuyasqanta, imaynachus sientekusqantapis (Pr 20:5; be-S 259).

• Recuadroswan yanapachikuna Bibliamanta yachakoj, Bibliaj yuyaychaykunasninman jina ruway allinpuni kasqanta reparananpaj.

• Bibliamanta yachakojta yanaparina sapallanmanta ajllananpaj imachus allin, imatajchus mana allin kasqanta (Gál 6:5).

• Bibliamanta yachakoj imaspichus yanapata necesitasqanta reparana. Kʼachallamantataj kallpacharina Jehovata munakusqanrayku kausayninta cambiananpaj (Pr 27:11; Jn 14:31).